ట్రెండింగ్
Epaper    English    தமிழ்

పక్షుల పండుగలో మార్పు ఉంటుందా?

Andhra Pradesh Telugu |  Suryaa Desk  | Published : Mon, Dec 30, 2024, 04:53 PM

పక్షుల పండుగ తేదీలు మరోసారి మారే సూచనలు కనబడుతున్నాయి. నాలుగేళ్ల తర్వాత సూళ్లూరుపేట కేంద్రంగా పక్షుల పండుగ నిర్వహించేందుకు ప్రభుత్వం అంగీకరించింది. ఆ మేరకు ప్రభుత్వం నుంచి మౌళిక ఆదేశాలు జిల్లా అధికార యంత్రాంగంకు అందాయి. మొదట పక్షుల పండుగను జనవరి 10, 11, 12 తేదీలలో నిర్వహించేలా షెడ్యూల్‌ రూపొందించారు. సమయం తక్కువగా ఉండటంతో ఆ తేదీలను జనవరి 17, 18, 19 తేదీలకు మార్చారు. ఆమేరకు అధికారులు ఏర్పాట్లల్లో నిమగ్నమయ్యారు. సంక్రాంతి పండుగ, నాయుడుపేటలో మూడు రోజులపాటు ఏటి పండుగ అవే రోజుల్లో జరగనున్నాయి.


ఈ క్రమంలో సూళ్లూరుపేట ఎమ్మెల్యే నెలవల విజయశ్రీ ఆ తేదీలను మార్చే విధంగా ప్రయత్నాలు చేస్తున్నారు. జిల్లా కలెక్టర్‌కు తేదీల మార్పును సూచించినట్లుగా తెలుస్తుంది. పండగ తేదీలలో పాఠశాలలకు సెలవుదినాలు కావడంతో ఊర్లకు వెళ్లిన విద్యార్థులు పక్షుల పండుగను వీక్షించే అవకాశం ఉండదు. ఈ క్రమంలో తేదీల మార్పును ప్రతిపాదించామని, అందరికీ అనుకూలమైన తేదీలలోనే పక్షుల పండుగ నిర్వహిస్తామని ఆదివారం ఎమ్మెల్యే విజయశ్రీ మీడియాకు తెలిపారు.






SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. https://www.suryaa.com/ and https://epaper.suryaa.com