ఆర్బీఐ కొత్త రూల్స్.. 2025లో ఈ 3 రకాల బ్యాంక్ ఖాతాలు క్లోజ్

బ్యాంక్ ఖాతాదారులకు బిగ్ అలర్ట్. వచ్చే 2025 సంవత్సరంలో పలు మార్పులు రానున్నాయి. రిజర్వ్ బ్యాంక్ ఆఫ్ ఇండియా (RBI) పలు కీలక నిర్ణయాలు తీసుకోనుంది. బ్యాంక్ ఖాతాల విషయంలో ఎదురవుతున్న సమస్యల పరిష్కారానికి కృషి చేస్తోంది. ఈ క్రమంలో జనవరి 1, 2025 నుంచి బ్యాంక్ ఖాతాలకు సంబంధించి కొత్త నిబంధనలు అమలులోకి తీసుకురానుందటా. ఇందులో భాగంగా మూడు రకాల బ్యాంక్ ఖాతాలను మూసివేయనున్నట్లు తెలుస్తోంది. మరి ఆ వివరాలు తెలుసుకుందాం.

బ్యాంకింగ్ వ్యవస్థను మరింత సురక్షితంగా, పారదర్శకంగా, సమర్థవంతంగా మార్చడమే లక్ష్యంగా కొత్త కొత్త రూల్స్ తీసుకొస్తోంది ఆర్‌బీఐ. అలాగే ఖాతాదారులను డిజిటల్ బ్యాంకింగ్ వైపు ప్రోత్సహించాలని లక్ష్యంగా పెట్టుకుంది. అలాగే ప్రతి ఒక్కరు అప్డేటెడ్ కేవైసీ పూర్తి చేసేలా నిబంధనలు మారుస్తోంది. ఈ క్రమంలో కస్టమర్లకు మెరుగైన సేవలతో పాటు సురక్షితమైన బ్యాంకింగ్ సేవలు అందించేందుకు పలు బ్యాంక్ ఖాతాలను ఫ్రీజ్ చేయనుందట. జనవరి 1, 2025 నుంచి వచ్చే కొత్త రూల్స్ ప్రకారం చాలా కాలంగా ఎలాంటి లావాదేవీలు జరగని బ్యాంక్ ఖాతాలు (నిద్రాణమైన ఖాతాలు) క్లోజ్ చేయనున్నట్లు తెలుస్తోంది. అంటే రెండు సంవత్సరాలకుపైగా ఎలాంటి ట్రాన్సాక్షన్లు నిర్వహించని బ్యాంకు ఖాతాలు మూసివేయనున్నట్లు సమాచారం.

ఇక ఏడాది పాటు ఎలాంటి ట్రాన్సాక్షన్లు చేయకుండా యాక్టివేషన్‌లో లేని ఖాతాలను సైతం నిష్క్రియ ఖాతాలుగా పేర్కొంటారు. ఇక మూడోది జీరో బ్యాలెన్స్ ఖాతాలు. చాలా కాలంగా డబ్బులు డిపాజిట్ చేయకుండా జీరో బ్యాలెన్స్ మెయింటెన్ చేస్తున్న అకౌంట్లను క్లోజ్ చేయాలని భావిస్తున్నట్లు సమాచారం. వీటికి సంబంధించి ఆర్‌బీఐ కొత్త రూల్స్ తీసుకొస్తోందట. ఇలాంటి నిష్క్రియ ఖాతాలను మూసివేయడం ద్వారా మోసాలు, ఖాతాల దుర్వినియోగాన్ని తగ్గించాలని ఆర్‌బీఐ భావిస్తోంది. అలాగే పని చేయని ఖాతాలను మూసివేయడం ద్వారా నిర్వహణ మెరుగుపడుతుంది. తమ అకౌంట్లను యాక్టివేట్ చేసుకునేందుకు ఇంటర్నెట్ బ్యాంకింగ్ ద్వారా కేవైసీ చేసుకునేందుకు ప్రోత్సహించినట్లవుతుంది.

బ్యాంక్ ఖాతాలు యాక్టివ్‌గా ఉండాలంటే ఎప్పటికప్పుడు కేవైసీ వివరాలను అప్డేడ్ చేస్తూ ఉండాలి. బ్యాంక్ ఖాతాను యాక్టివ్‌గా ఉంచడానికి రెగ్యులర్‌గా ట్రాన్సాక్షన్లు నిర్వహించాలి. ఖాతాల్లో కనీస బ్యెన్స్ నిర్వహించాలి. డిజిటల్ బ్యాంకింగ్ ద్వారా ఇవన్ని ఇంటి నుంచే పూర్తి చేయవచ్చు.