మార్కెట్లో కొనే బేబిఆయిల్స్ బదులు.. ఇంట్లోనే తయారుచేసిన ఈ ఆయిల్ పిల్లలకి వాడితే చాలా మంచిది

పెద్దలతో పోలిస్తే పిల్లల శరీరం భిన్నంగా ఉంటుంది. పిల్లలకి వాడే ప్రోడక్ట్స్ ఏవైనా సరే కెమికల్ ఫ్రీగా, నేచురల్‌గా ఉండాలి. కెమికల్స్‌తో నిండి ఉంటే అది వారి స్కిన్‌, హెయిర్‌పై హానికరమైన ప్రభావాన్ని చూపిస్తుంది. అలా కాకుండా ఉండాలంటే ముందు నుంచే వారికోసం వాడే ప్రోడక్ట్స్ కెమికల్ ఫ్రీ ప్రోడక్ట్స్ వాడాలి. అందులో బాత్ ఆయిల్స్ కూడా ఒకటి. వీటిని మార్కెట్ నుంచి కొనే బదులు ఇంట్లోనే మనకి మనంగా తయారుచేసుకోవచ్చు. అదెలానో తెలుసుకోండి.

నేడు మార్కెట్లో ఎన్నో బేబికేర్ ప్రోడక్ట్స్ అందుబాటులోకి ఉన్నప్పటికీ, అవన్నీ అంతగా సురక్షితం కాకపోవచ్చు. ఇందులో కెమికల్స్ ఉంటాయి. వాటి బదులు కెమికల్స్ లేని బేబి ఆయిల్ ప్రోడక్ట్స్‌ని ఇంట్లోనే ఎలా తయారుచేయాలో తెలుసుకోండి.

బేబి ఆయిల్ ఎలా తయారుచేయాలంటే..

ఈ ఆయిల్ తయారుచేయడానికి ముందుగా అరకప్పు స్వచ్ఛమైన కొబ్బరినూనెని తీసుకోండి. ఆముదం కూడా వేసుకోవచ్చు. కానీ, ఈ ఆయిల్ మరీ జిడ్డుగా ఉంటుంది. కాబట్టి, కొద్ది పరిమాణంలో తీసుకోవాలి. అదే విధంగా, స్వచ్ఛమైన ఆలివ్ ఆయిల్ పావుకప్పు తీసుకోండి. ఈ ఆయిల్ మంచి వాసన రావాలంటే అందులో రెండు చుక్కల లావెండర్ ఎసెన్షియల్ ఆయిల్ వేసుకోవచ్చు. వీటన్నింటిని బాగా కలపాలి. దీనిని బేబి హెయిర్‌కి, బాడీకి కూడా వాడొచ్చు.

స్వచ్ఛమైన నూనెలతోనే..

ఈ ఆయిల్ తయారుచేయడానికి మీరు అన్నీ కూడా స్వచ్ఛమైన నూనెలు మాత్రమే తీసుకోండి. మీరు వాడే నూనెలు స్వచ్ఛంగా లేకపోతే పిల్లల జుట్టు, చర్మానికి సమస్యలొస్తాయి. కాబట్టి, కచ్చితంగా స్వచ్ఛమైనవే తీసుకోండి.

వాడే ముందు వేడి చేయడం..

వీటిని వాడే ముందుగా కాస్తా వేడి చేయాలి. దీని నేరుగా స్టౌపై పెట్టి వేడి చేయొద్దు. ఇలా చేస్తే నూనెలో కెమికల్స్ ఏర్పడతాయి. కాబట్టి, డబుల్ బాయిలింగ్ మెథడ్‌లో వేడి చేయాలి. దీనికోసం ఓ గిన్నె నిండా నీటిని వేడి చేసి దానిపై మరో గిన్నె ఉంచి అందులో నూనె వేసి వేడిచేయాలి.

నిల్వ చేయడం..

ఈ నూనెని స్టోర్ చేసేందుకు ఓ గాజు సీసా తీసుకోవాలి. లేదంటే త్వరగా పాడైపోతుంది. గాజు సీసాని శుభ్రం చేసి వాడండి. ప్లాస్టిక్‌ని వీలైనంత వరకూ దూరం పెట్టండి. అలానే ఈ నూనెని తేమ లేని ప్రదేశంలో పిల్లల దగ్గర ఉంచడం ఉత్తమం. అలాగే ఆయిల్ బాటిల్‌ని ఎండలో బాగా ఆరబెట్టేలా చూడండి.

ఆయిల్ మసాజ్..

పిల్లలకి ఈ నూనె రాసేటప్పుడు చేతుల్లోకి తీసుకుని దానిని మృదువుగా రాసి జుట్టుకి, ముఖానికి రాసి మసాజ్ చేయాలి. ఈ నూనెని తలకి పట్టించి అరగంట పాటు అలానే ఉంచాలి. ఆ తర్వాత పిల్లలకి స్నానం చేయించొచ్చు. పిల్లలకి ఏదైనా సమస్య ఉంటే వాడే ముందు డాక్టర్ సలహా తీసుకోవడం మంచిది. ఇది ఆరోగ్య సమస్య రాకుండా హెల్ప్ చేస్తుంది. అదేవిధంగా, ఏదైనా కొత్త ప్రోడక్ట్ వాడే ముందు ప్యాచ్ టెస్ట్ చేయడం మంచిది. దీనికోసం కొద్దిగా ఆయిల్ తీసుకుని చేతులకి రాయండి. అలర్జీ సమస్యలు లేదనుకున్న తర్వాతే వాడడం మంచిది. పిల్లలకి కూడా అంతే కొద్దిగా ఏదైనా చోట ఆయిల్ రాసి కాసేపు తర్వాత ఎలాంటి అలర్జీ లేకపోతే అప్పుడు ఆ ఆయిల్ వాడడం మంచిది.