ధమనుల్లో కొలెస్ట్రాల్‌ని తగ్గించి గుండెని ఆరోగ్యంగా మార్చే టిప్స్, రెగ్యులర్‌గా ఫాలో అయితే గుండె సమస్యలు దూరం

మన శరీరంలో గుండె అతి ముఖ్యమైన భాగం. దీనిని జాగ్రత్తగా కాపాడుకోవాల్సిన అవసరం ఎంతైనా ఉంది. నేటి కాలంలో పెరిగిన ఒత్తిడి కారణంగా గుండె సమస్యలు పెరుగుతూనే ఉన్నాయి. అలా కాకుండా గుండెని ఆరోగ్యంగా కాపాడుకోవాలంటే కొన్ని టిప్స్ ఫాలో అవ్వాలి. గుండె ఆరోగ్యంగా ఉండాలంటే, గుండెలోని ముఖ్య భాగాలను కూడా ఆరోగ్యంగా చూసుకోవాలి. అప్పుడే గుండె ఆరోగ్యం బాగుంటుంది. గుండె ధమనులు హెల్దీగా ఉండేందుకు కొన్ని జాగ్రత్తలు తీసుకోవాలి. అవేంటంటే

బ్యాలెన్స్‌డ్ డైట్

మనం తీసుకునే కొన్ని ఫుడ్స్ మన ధమనులని ఆరోగ్యంగా ఉంచుతాయి. అందుకే, ఎక్కువగా ప్రాసెస్ చేసిన కొలెస్ట్రాల్ ఉన్న ఫుడ్స్ తీసుకోవద్దు. వీటి బదులు ఫైబర్, పోషకాలు ఎక్కువగా ఉండే ఫుడ్ తీసుకోండి. ఆయిలీ మీట్ వంటి హై ఫ్యాట్ ఫుడ్స్ ధమనుల వెంట కొవ్వు పేరుకునేలా చేస్తాయి. అందుకే, ఈ ఫుడ్స్ కాకుండా పండ్లు, కూరగాయలు, హోల్ గ్రెయిన్స్, లీన్ మీట్ వంటి పోషకాలు ఎక్కువగా ఉండే ఫుడ్స్ తీసుకోవాలి. దీని వల్ల జీర్ణక్రియ మెరుగ్గా ఉంటుంది. ధమనులు కూడా శుభ్రమవుతాయి. రోజుకి విటమిన్స్ ఎంత అవసరమో ఆ విటమిన్స్ తీసుకోండి. వీటి గురించి అంతగా తెలియకపోతే డాక్టర్ సలహాతో మల్టీవిటమిన్స్ తీసుకోండి.

గుండెపోటుకు ముందు ఈ లక్షణాలు కనిపిస్తాయ్‌..!

వర్కౌట్ చేయడం

వర్కౌట్ చేయడం వల్ల కూడా ధమనులు ఆరోగ్యంగా ఉంటాయి. వర్కౌట్ చేసేటప్పుడు మీ బాడీ మూవ్ అవుతుంది. దీంతో మీ ధమనులు శరీరం చుట్టూ ఆక్సీజన్‌ని ఎక్కువగా రక్తాన్ని తీసుకెళ్తాయి. దీనికోసం మీరు రోజూ జిమ్ వెళ్లాల్సిన అవసరం లేదు. నడవడం వంటి వర్కౌట్స్ చేయొచ్చు. దీంతో ధమనులు, గుండె ారోగ్యం బాగుంటుంది. మీరు కూర్చుని పనిచేస్తుంటే గంటకి ఓ సారి రెస్ట్ తీసుకోండి. దీంతో గుండె ధమనులు మెరుగ్గా ఉంటాయి.

పొగకి దూరంగా

పొగ తాగడం గుండెతో సహా బాడీలోని ప్రతి వ్యవస్థపై నెగెటీవ్ ఎఫెక్ట్ చూపిస్తుంది. దీని వల్ల క్యాన్సర్ వంటి ప్రమాదకరమైన రోగాలొస్తాయి. సిగరెట్ తాగడం మీ ధమనులు సంకోచించడానికి కారణమవుతుంది. ఇది మీ శరీరమంతటా రక్త ప్రవాహాన్ని కష్టంగా మారుస్తుంది. పొగ తాగడం వల్ల గుండె ఆరోగ్యం దెబ్బ తింటుంది. సెకండ్ హ్యాండ్ స్మోకింగ్ కూడా గుండె, ధమనులపై నెగెటీవ్ ఎఫెక్ట్ చూపిస్తుంది. కాబట్టి, పొగకి దూరంగా ఉండండి.

ఒత్తిడిని తగ్గించుకోవడం

ధూమపానం లానే ఒత్తిడి కూడా గుండె సహా శరీరంలోని ప్రతిభాగంపై ఎఫెక్ట్ చూపిస్తుంది. నెగెటివిటీని తీసుకొస్తుంది. కాబట్టి, ఈ నెగెటీవ్ ఎఫెక్ట్ నుంచి ధమనులని కాపాడుకోవడానికి రెస్ట్ తీసుకోండి. ధ్యానం, మెడిటేషన్ ఫాలో అవ్వండి. ఏదైనా హ్యాబీని మొదలుపెట్టండి. జర్నల్ చేయండి.

నోటి శుభ్రత

ఎంతమందికి తెలుసు నోరు బాగుంటే గుండె ఆరోగ్యం మెరుగ్గా ఉంటుందని. సరిలేని నోటి కారణంగా అథెరోస్క్లెరోసిస్‌కి దారి తీసే చిగుళ్ల సమస్య వస్తుంది. చిగుళ్ల సమస్యని తగ్గించుకునేందుకు రోజుకి రెండు సార్లు పళ్లు తోముకోవడం, నోటిని శుభ్రంగా ఉంచుకోవడం ముఖ్యం. దీని వల్ల గుండె ఆరోగ్యం కూడా బాగుంటుంది.

ఆరోగ్యకరమైన ధమనుల కోసం

ధమనులు ఆరోగ్యంగా మారేందుకు హెల్దీ లైఫ్‌స్టైల్ ఫాలో అవ్వాలి. పోషకాలు తీసుకోవాలి. రెగ్యులర్‌గా వర్కౌట్ చేయాలి. పొగకి దూరంగా ఉండాలి. ఇలాంటి హెల్దీ లైఫ్‌స్టైల్ ఫాలో అయితే ధమనుల్లోని కొలెస్ట్రాల్ దూరమై గుండె ఆరోగ్యం మెరుగ్గా ఉంటుంది. దీంతో పాటు ఆరోగ్యంగా కూడా ఉంటారు.