ట్రెండింగ్
ఈ ఏడాది నాకెంతో స్ఫెషల్.. ఎందుకో చెప్పిన సంయుక్త మీనన్
Andhra Pradesh Telugu | Suryaa Desk | Published : Tue, Jan 21, 2025, 07:47 PM
తిరుమల శ్రీవారిని పలువురు సినీ ప్రముఖులు మంగళవారం దర్శించుకున్నారు. ఉదయం వీఐపీ బ్రేక్ సమయం హీరోయిన్ సంయుక్తా మీనన్, హీరో ఆకాశ్ పూరీ, గాయని మంగ్లీలు వేర్వేరుగా స్వామి వారిని దర్శించుకుని మొక్కులు చెల్లించుకున్నారు. దర్శనం అనంతరం రంగనాయక మండపంలో పండితులు వేదాశీర్వచనం అందించారు. అనంతరం ఆలయ అధికారులు పట్టు వస్ర్తంతో సత్కరించి తీర్థ ప్రసాదాలు అందజేశారు. ఈ సందర్భంగా సంయుక్త మీనన్‌తో ఫోటోలు దిగేందుకు భక్తులు పోటీపడ్డారు. అనంతరం ఆలయం వెలుపల సంయుక్త మీనన్ విలేకర్లతో మాట్లాడారు. శ్రీవారిని దర్శించడం ద్వారా తనకు పాజిటివ్ ఎనర్జీ వస్తుందన్నారు. శ్రీవారిని దర్శింకుంటే తనకు అంతా మంచే జరుగుతుందని నమ్మకం అన్నారు. తాను నటించిన నాలుగైదు సినిమాలు ఈ ఏడాది విడుదల కానున్నాయని.. అందుకే ఈ ఏడాది తనకు చాలా కీలకమని సంయుక్త మీనన్ చెప్పారు.
|
|