అర్షదీప్ సింగ్ అదరహో.. అత్యధిక వికెట్లు తీసిన బౌలర్‌గా రికార్డు

టీమిండియా యువ పేసర్‌, టీ20 స్పెషలిస్ట్ బౌలర్‌ అర్షదీప్ సింగ్ చరిత్ర సృష్టించాడు. టీ20ల్లో అత్యధిక వికెట్లు పడగొట్టిన భారత బౌలర్‌గా రికార్డు క్రియేట్‌ చేశాడు. అతి తక్కువ కాలంలో ఈ ఫీట్ సాధించిన ప్లేయర్‌గా నిలిచాడు. ఈడెన్ గార్డెన్స్ వేదికగా ఇంగ్లాండ్‌తో జరుగుతున్న తొలి టీ20 మ్యాచ్‌లో బెన్ డకెట్‌ను ఔట్ చేసిన అర్షదీప్ సింగ్.. ఈ అరుదైన రికార్డును తన పేరిట లిఖించుకున్నాడు. ఈ క్రమంలోనే యుజ్వేంద్ర చాహల్‌ను బీట్ చేశాడు.

2022 జూలైలో భారత్ తరఫున టీ20ల్లో అరంగేట్రం చేసిన ఈ ప్లేయర్. అనతికాలంలోనే నమ్మదగ్గ బౌలర్‌గా మారిపోయాడు. కొత్త బంతితో వికెట్లు తీస్తూ.. చివర్లో పరుగులు కట్టడి చేస్తూ.. ప్రత్యర్థులకు కళ్లెం వేస్తున్నాడు. ఈ క్రమంలోనే భారత్ తరఫున టీ20లలో అత్యధిక వికెట్లు తీసిన బౌలర్‌గా నిలిచాడు. ఈ మ్యాచ్‌లో రెండు వికెట్లు తన ఖాతాలో వేసుకున్నాడు అర్షదీప్.

ఇంగ్లాండ్‌తో తొలి టీ20 మ్యాచ్‌లో బెన్ డకెట్‌ వికెట్ తీసిన ఈ ప్లేయర్.. 97వ వికెట్‌ను తన ఖాతాలో వేసుకున్నాడు. అతడు కేవలం 61 టీ20 మ్యాచ్‌లోలనే ఈ ఫీట్ సాధించాడు. అంతకుముందు ఈ రికార్డు.. యుజ్వేంద్ర చాహల్ పేరిట ఉంది. స్పిన్నర్‌ చాహ‌ల్ 80 మ్యాచ్‌ల్లో 96 వికెట్లు ప‌డ‌గొట్టాడు. ఇంగ్లాండ్‌తో తొలి టీ20 ద్వారా అర్షదీప్ సింగ్.. చాహల్‌ను అధిగమించాడు.

టీ20ల్లో భారత్‌ తరఫున అత్యధిక వికెట్లు పడగొట్టిన బౌలర్లు:

అర్షదీప్ సింగ్‌ - 97 వికెట్లు (61 మ్యాచ్‌లు)

యుజ్వేంద్ర చాహల్‌ - 96 వికెట్లు (80 మ్యాచ్‌లు)

భువనేశ్వర్ కుమార్‌ - 90 వికెట్లు (87 మ్యాచ్‌లు)

జస్‌ప్రీత్ బుమ్రా - 89 వికెట్లు (70 మ్యాచ్‌లు)

హార్దిక్ పాండ్యా - 89 వికెట్లు (110 మ్యాచ్‌లు)

ఇంగ్లాండ్‌తో తొలి టీ20 మ్యాచ్‌లో టాస్‌ గెలిచిన భారత్ తొలుత బౌలింగ్ ఎంచుకుంది. సీనియర్ పేసర్ మహమ్మద్ షమీకి ఈ మ్యాచ్ తుది జట్టులో చోటు దక్కలేదు.

ఇంగ్లాండ్ ఇన్నింగ్స్

టాస్‌ ఓడి బ్యాటింగ్‌కు దిగిన ఇంగ్లాండ్‌ను భారత బౌలర్లు కట్టడి చేశారు. ఇంగ్లాండ్ జట్టు నిర్ణీత 20 ఓవర్లలో 132 పరుగులు చేసి ఆలౌట్ అయ్యింది. ఓపెనర్లు ఫిలిప్‌ సాల్ట్‌ (0), బెన్ డకెట్‌ (4)ను అర్షదీప్ పెవిలియన్ పంపించాడు. ఆ తర్వాత వరుణ్ చక్రవర్తి కూడా అతడికి జత కలిశాడు. దీంతో ఇంగ్లాండ్ వరుసగా వికెట్లు కోల్పోయింది.

ఓ పక్క వికెట్లు పడుతున్నా.. కెప్టెన్ బట్లర్‌ (44 బంతుల్లో 68 రన్స్‌) మాత్రం ఒంటరి పోరాటం చేశాడు. మిగతా బ్యాటర్లు అతడికి సహకరించకపోవడంతో చివరకు ఇంగ్లాండ్‌ నిర్ణీత 20 ఓవర్లలో 132 పరుగులకు ఆలౌట్ అయింది. భారత బౌలర్లలో వరుణ్ చక్రవర్తి 3 వికెట్లు తీయగా.. అర్షదీప్ సింగ్, హార్దిక్ పాండ్యా, అక్షర్‌ పటేల్‌లు తలా రెండు వికెట్లు తీశారు.

తుది జట్లు:

భారత్‌: సంజూ శాంసన్ (వికెట్ కీపర్‌), అభిషేక్ శర్మ, తిలక్ వర్మ, సూర్యకుమార్ యాదవ్ (కెప్టెన్‌), రింకt సింగ్, హార్దిక్ పాండ్యా, నితీశ్‌ రెడ్డి, అక్షర్ పటేల్, అర్షదీప్ సింగ్, రవి బిష్ణోయ్, వరుణ్ చకరవర్తి,

ఇంగ్లండ్: బెన్ డకెట్, ఫిల్ సాల్ట్ (వికెట్ కీప‌ర్‌), జోస్ బట్లర్ (కెప్ట‌తెన్‌), హ్యారీ బ్రూక్ (వైస్ కెప్టెన్‌), లియామ్ లివింగ్‌స్టోన్, జాకబ్ బెథెల్, జామీ ఓవర్‌టన్, జోఫ్రా ఆర్చర్, మార్క్ వుడ్, గస్ అట్కిన్సన్, ఆదిల్ రషీద్.