ఆయనకి టీడీపీతో ఎలాంటి సంబంధం
Andhra Pradesh Telugu | Suryaa Desk | Published : Tue, Jan 28, 2025, 06:51 PM
గుడివాడలో కామేపల్లి తులసిబాబు వ్యవహారాలపై తెలుగుదేశం పార్టీ స్పందించింది. గుడివాడలో ఎమ్మెల్యే రాము అనచరుడిగా తులసిబాబు సమాంతర కార్యకలాపాలు నిర్వహిస్తున్నారని ఆరోపణలు వస్తున్న నేపథ్యంలో ఏపీ అధ్యక్షులు పల్లా శ్రీనివాసరావు స్పందించారు. తులసిబాబుకు టీడీపీతో ఎలాంటి సంబంధం లేదని ప్రకటించారు. ప్రస్తుతం ఏపీ డిప్యూటీ స్పీకర్, అప్పటి నర్సాపురం ఎంపీగా రఘురామకృష్ణంరాజు ఉన్న సమయంలో ఏపీ సీఐడీ ఆయనపై థర్డ్ డిగ్రీ ప్రయోగించిన కేసులో ఇటీవల తులసిబాబును ఒంగోలు ఎస్పీ అరెస్ట్ చేశారు.ఆర్ఆర్ఆర్ గుండెలపై కూర్చుని హత్యాయత్నానికి పాల్పడ్డారంటూ తులసిబాబుపై కేసు నమోదు అయ్యింది. ఈ కేసు విచారణలో భాగంగా తులసిబాబును ఒంగోలుకు పిలిపించి విచారణ అనంతరం అతడిని పోలీసులు అదుపులోకి తీసుకున్నారు. అంతేకాకుండా తులసిబాబు అనుచరులు పెద్ద ఎత్తున అక్కడకు చేరుకుని తులసీదళం పేరుతో పోలీసులపై దౌర్జన్యంగా వ్యవహరించారంటూ మరో కేసు నమోదు అయ్యింది. ఆర్ఆర్ఆర్ టార్చర్ కేసులో ప్రస్తుతం తులసిబాబు గుంటూరు జిల్లా జైలులో ఉన్నాడు. అలాగే తులసిబాబుకు బెయిల్ ఇవ్వాలంటూ పిటిషన్ వేశారు. ఈ నేపథ్యంలో తులసిబాబును మూడు రోజుల పాటు పోలీస్ కస్టడీకి ఇస్తూ గుంటూరు జిల్లా సెషన్స్ కోర్టు ఆదేశాలు జారీ చేసింది. నిన్న తొలి రోజు తులసిబాబును కస్టడీలోకి తీసుకున్న పోలీసులు కొద్దిసేపు విచారించారు. తిరిగి ఈరోజు, రేపు కూడా రెండు రోజుల పాటు తులసిబాబును ఒంగోలు ఎస్పీ విచారించనున్నారు.
|
|