అతను చేసేది అదే..కిరణ్ రాయల్పై మహిళ సంచలన ఆరోపణలు
Andhra Pradesh Telugu | Suryaa Desk | Published : Sat, Feb 15, 2025, 07:12 PM
జనసేన నేత కిరణ్ రాయల్పై తిరుపతి మహిళ సంచలన ఆరోపణలు చేశారు. గత కొన్నిరోజులుగా ఈ వివాదం నడుస్తోంది. అయితే ఆ మహిళను ఆన్ లైన్ చీటింగ్ కేసులో జైపూర్ పోలీసులు ఇటీవల అరెస్ట్ చేసిన సంగతి తెలిసిందే. ఆ తర్వాత బెయిల్ మీద బయటకు వచ్చిన సదరు మహిళ.. శనివారం విలేకర్ల సమావేశం నిర్వహించారు. ఈ సందర్భంగా కిరణ్ రాయల్ మీద సంచలన వ్యాఖ్యలు చేశారు. తనను రాజస్థాన్ తీసుకెళ్లిన తర్వాత కోర్టులో హాజరుపరిచారని.. ఈ సందర్భంగా న్యాయమూర్తి అనేక ప్రశ్నలు వేశారని సదరు మహిళ తెలిపారు. ఫ్లైట్ టికెట్స్ ఎవరు బుక్ చేశారు, 41సీ నోటీసులు ఇవ్వకుండా ఎలా అరెస్టు చేశారని జడ్జి ప్రశ్నించినట్లు తెలిపారు. కిరణ్ రాయల్ ఏం వ్యాపారాలు చేస్తున్నాడని ఇంత సంపాదించారన్న మహిళ.. తిరుమల శ్రీవారి దర్శనం టికెట్లు అమ్ముకుంటాడని ఆరోపించారు. ఫోటోలు మార్ఫింగ్ అని చెప్పి తనపై తప్పుడు కేసులు పెడుతున్నారని ఆరోపించారు.
|
|