ముఖంపై చర్మం సాగి ముడతలు వచ్చాయా

స్కిన్ సాగినట్లుగా మారి కుంగినట్లుగా అయితే అవి వృద్ధాప్య లక్షణాలే. చర్మం దృఢంగా ఉండేందుకు కొల్లాజెన్ ఉండాల్సిందే. వయసు పెరిగేకొద్దీ హార్మోన్స్ సమస్యల కారణంగా యవ్వనంలో కొల్లాజెన్ ఉత్పత్తి తగ్గుతుంది. దీని వల్ల చర్మం వదులుగా మారి కుంగిపోతుంది. దీనికి పరిష్కారంగా మనం ఇంట్లోనే వాడే కొన్ని ఫేస్‌ప్యాక్స్ ఉన్నాయి. వీటిని ఫేస్‌కి అప్లై చేస్తే స్కిన్ యంగ్ అండ్ గ్లోగా ఉంటాయి. మరి ఆ ఫేస్‌ప్యాక్స్ ఏంటో తెలుసుకోండి.

శనగపిండి

​శనగపిండి ఫేస్ ప్యాక్ కూడా చర్మానికి చాలా మంచిది. రెండు టీస్పూన్ శనగపిండిలో కొద్దిగా పెరుగు కలిపి ముఖానికి అప్లై చేసి అరగంట తర్వాత క్లీన్ చేయండి. పెరుగు బదులు మీరు పాలు కూడా కలపొచ్చు. దీనిని రాయడం వల్ల కూడా చర్మం టైట్‌గా అందంగా కనిపిస్తుంది.

దోస ప్యాక్

చర్మాన్ని టైట్‌గా మార్చడంలో దోసకాయ ఫేస్‌ప్యాక్ కూడా హెల్ప్ చేస్తుంది. ఇది చర్మాన్ని టైట్‌గా చేస్తుంది. చర్మ రంధ్రాలను తగ్గించి దృఢంగా, యవ్వనంగా చేస్తుంది. దీనికోసం దోసకాయ గుజ్జులో పెరుగు కలపండి. దీనిని ముఖానికి రాయండి. అరగంట తర్వాత క్లీన్ చేయండి. దీంతో చర్మం యవ్వనంగా అందంగా కనిపిస్తుంది. ఇది చర్మానికి ఎన్నో బెనిఫిట్స్‌ని అందిస్తుంది. యవ్వనంగా కనిపించేలా చేస్తుంది.

అరటిపండు

​ముఖాన్ని టైట్‌గా చేయడంలో అరటిపండ్లు కూడా ఉన్నాయి. అరటిపండు రాయడం వల్ల స్కిన్ సాఫ్ట్ అండ్ గ్లోగా మెరుస్తుంది. దీనికోసం అరటిపండ్లని గుజ్జులా చేయాలి. దానికి తేనె కలిపి ముఖానికి రాయాలి. తేనెలో యాంటీ ఆక్సిడెంట్ గుణాలు ఉన్నాయి. దీని వల్ల చర్మం కాంతివంతంగా, మృదువుగా మారుతుంది. 20 నిమిషాల తర్వాత క్లీన్ చేయాలి. వారానికి రెండు, మూడు సార్లు దీనిని అప్లై చేయడం వల్ల స్కిన్ అందంగా సాఫ్ట్‌గా మారుతుంది.

కలబంద

కలబంద చర్మానికి చాలా మంచిది. మీరు స్వచ్ఛమౌన కలబంద జెల్‌ని రాయొచ్చు. అరగంట తర్వాత క్లీన్ చేసుకోండి. అలానే ఉంచినా పర్లేదు. దీనిలో కొద్దిగా తేనె, రోజ్ వాటర్ కలిపి రాయొచ్చు. ఇలా రాయడం వల్ల ముఖంపై మచ్చలు తగ్గడమే కాకుండా చర్మం బిగుతుగా మారుతుంది. మృదువుగా ఉంటుంది. గమనిక:నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.