ప్రధాని మోదీ అమెరికా పర్యటన విశేషాలు
national | Suryaa Desk | Published : Sun, Feb 16, 2025, 08:50 PM
ప్రధానమంత్రి నరేంద్ర మోదీ ఇటీవలె అమెరికాలో పర్యటించి.. తిరిగి స్వదేశానికి చేరుకున్నారు. 2 రోజుల పర్యటనలో భాగంగా అమెరికా అధ్యక్షుడు డొనాల్డ్ ట్రంప్, ఎలాన్ మస్క్ సహా పలువురు కీలక నేతలతో మోదీ భేటీ అయ్యారు. ఇక ట్రంప్ అయితే మోదీని కౌగిలించుకుని ఆహ్వానం పలకడం గమనార్హం. తాజాగా తన అమెరికా పర్యటనకు సంబంధించిన విశేషాలతో కూడిన వీడియోను ప్రధానమంత్రి మోదీ సోషల్ మీడియాలో షేర్ చేశారు. ఇంధనం నుంచి విద్య వరకు.. వాణిజ్యం నుంచి సాంకేతికత వరకు.. ఏఐ నుంచి అంతరిక్షం వరకు అనేక అంశాలను అమెరికా పర్యటనలో చర్చించినట్లు మోదీ తెలిపారు. ఇక అమెరికా పర్యటన చాలా ఫలవంతంగా జరిగిందంటూ 3:45 నిమిషాల వీడియోను పోస్ట్ చేశారు. అందులో వాషింగ్టన్ పర్యటనలోని కీలక క్షణాలు గుర్తుచేశారు. అమెరికా ఉన్నతాధికారులు, వ్యాపారవేత్తలు, అధ్యక్షుడు డొనాల్డ్ ట్రంప్తో సమావేశమై సంభాషించిన దృశ్యాలు పంచుకున్నారు.
|
|