ఈనెల 18న నంద్యాల జిల్లాలో మినీ జాబ్ మేళా
Andhra Pradesh Telugu | Suryaa Desk | Published : Mon, Feb 17, 2025, 07:06 PM
ఆంధ్రప్రదేశ్ రాష్ట్రప్రభుత్వం రాష్ట్రంలోని నిరుద్యోగులైన యువతలో వృత్తి నైపుణ్యాన్ని పెంపొందించే విధంగా APSSDC ఆధ్వర్యంలో ఉద్యోగ, ఉపాధి అవకాశాలు కల్పిస్తోంది. యువతకు ఉపాధి ధ్యేయంగా ప్రత్యేకంగా రూపొందించిన స్కిల్ డెవలప్మెంట్ కార్పొరేషన్ ద్వారా జిల్లాల వారీగా పదవ తరగతి మొదలుకొని ఆపై చదువులు చదివి.. ఉద్యోగం కోసం ఎదురు చూసే వారికి ఉద్యోగ అవకాశాలు కల్పిస్తోంది. రాష్ట్రంలోని ప్రతి నియోజకవర్గంలో ఉద్యోగ మేళాలు నిర్వహిస్తూ కొన్ని వందల మందికి ఉద్యోగ అవకాశాలు కల్పిస్తోంది.ఇందులో భాగంగానే నంద్యాల జిల్లా ఆత్మకూరులోని ప్రభుత్వ డిగ్రీ కళాశాలలో ఈనెల 18న మినీ జాబ్ మేళా నిర్వహిస్తున్నట్లు జిల్లా ఉపాధికల్పనా అధికారి శ్రీకాంత్ తెలిపారు. ఈ మినీ జాబ్ మేళాలో భారీ పరిశ్రమలైన 4 ప్రముఖ కంపెనీలు అరబిందో ఫార్మసీ, గ్రీటెక్ ఇండస్ట్రీస్ ప్రైవేట్ లిమిటెడ్, రాయల్స్ డైరెక్ట్ సర్వీసెస్, టాటా క్యాపిటల్, నవత రోడ్ ట్రాన్స్పోర్ట్ వంటి ప్రముఖ కంపెనీలు తమ సంస్థల్లో ఉద్యోగాలు భర్తీ చేసేందుకు పాల్గొంటున్నాయి. దీనికోసం పదవ తరగతి నుంచి B.SC, MSC, ORGANIC CHEMISTRY, బీటెక్, ఎంబీఏ, ఏదైనా డిగ్రీ పూర్తి చేసుకున్న నిరుద్యోగులు పాల్గొనవచ్చు.
|
|