ఒక ఆటోలో.. 19 మంది ప్రయాణిస్తే ఎట్లా
national | Suryaa Desk | Published : Mon, Feb 17, 2025, 08:30 PM
ఉత్తర ప్రదేశ్లోని ఝాన్సీ పోలీసులు.. బారు సాగర్ పోలీస్ స్టేషన్ పరిధిలోని రహదారిపై తనిఖీలు నిర్వహించారు. ముఖ్యంగా రోడ్డుపై వెళ్తున్న వారందరినీ ఆపుతూ.. పత్రాలు వంటివి చెక్ చేస్తున్నారు. అయితే ఫిబ్రవరి 15వ తేదీన ఈ సోదాలు చేపడుతుండగా.. వారికి ఓ ఆటో గట్టి షాక్ ఇచ్చింది. ముఖ్యంగా ఆ ఆటోలో ఉన్న జనాలను చూసి పోలీసులకు కళ్లు తిరిగనంత పని అయింది. ఆటోలో ఎక్కువ మంది ప్రయాణిస్తున్నట్లు గుర్తించి.. వారందరినీ కిందకు దిగమన్నారు.
ఈక్రమంలోనే ఓ పోలీసులు వారందరినీ లెక్కపెట్టడం ప్రారంభించాడు. ఇలా ఒకటీ, రెండూ, మూడు.. 18 వరకు వచ్చి లెక్క ఆగింది. ఆపై డ్రైవర్ను కూడా లెక్కించగా మొత్తం 19 మంది అయ్యారు. దీంతో వెంటనే డ్రైవర్ను పిలిచి ఇంత మందిని ఎలా ఎక్కించుకున్నావంటూ గట్టిగా ప్రశ్నించారు. ఆపై ప్రయాణికులను కూడా నిలదీశారు. ఇంత మంది వస్తే ప్రమాదం జరిగి.. ప్రాణాలు పోయే అవకాశాలు ఎక్కువగా ఉంటాయని చెబుతూనే తీవ్ర ఆగ్రహం వ్యక్తం చేశారు. ఈక్రమంలోనే ఆటోను సీజ్ చేశారు.
ప్రస్తుతం ఇందుకు సంబంధించిన వీడియో నెట్టింట తెగ వైరల్ అవుతోంది. ఇది చూసిన నెటిజెన్లు ఒక్కొక్కరూ ఒక్కో విధంగా కామెంట్లు చేస్తున్నారు. ఇది బస్సు అనుకుంటున్నారా.. లేక ఆటో అనే ఎక్కారా అంటూ ప్రశ్నిస్తున్నారు. మీరు నిజంగా దేవుళ్లు సామీ ఇని కొందరు, డైరెక్ట్ నరాకనికి వెళ్లేందుకు ఇంత మంది నిర్ణయించుకున్నారా అంటూ మరికొందరు తమ మనసులోని భావాలను కామెంట్ల రూపంలో వెల్లడిస్తున్నారు. మీరు కూడా ఓసారి ఈ వీడియో చూసి ఏమనిపిస్తుందో కామెంట్ చేసేయండి.
|
|