ట్రంప్‌కు ముచ్చెమటలు పట్టించిన మస్క్ కుమారుడు

అగ్రరాజ్యం అమెరికా అధ్యక్షుడు డొనాల్డ్ ట్రంప్ గురించి అందరికీ తెలిసిందే. ఏమాత్రం భయం, బెరుకు లేకుండా అందరినీ భయపెట్టే ఈయన్నే తాజాగా మస్క్ కుమారుడు భయపెట్టినట్లు తెలుస్తోంది. కేవలం ముక్కులో వేలు పెట్టుకునే ట్రంపునకు మచ్చెమటలు పట్టించినట్లు అర్థం అవుతుంది. దీంతో భయంతో అల్లాడిపోయిన ట్రంప్.. క్వీన్ విక్టోరియా బహుమతిగా ఇచ్చిన 145 ఏళ్ల నాటి పురాతన రెజల్యూట్ డెస్క్‌ను మార్చేశారట. ప్రస్తుతం ఈ వార్త నెట్టింట వైరల్ అవుతుండగా.. అసలు మస్క్ కుమారుడు అంతగా ఏం చేశాడో తెలుసుకోవాలని చూస్తున్నారు. ఆ పూర్తి వివరాలు మీకోసం.

టెస్లా, ఎక్స్ అధినేత, ప్రపంచ కుబేరుడు అయిన ఎలాన్ మస్క్ ఇటీవలే తన నాలుగేళ్ల కుమారుడితో కలిసి అమెరికా అధ్యక్షుడు డొనాల్డ్ ట్రంప్‌ను కలిసిన విషయం అందరికీ తెలిసిందే. వైట్ హౌస్‌లోని ఓవల్ ఆఫీసులో వీరిద్దరూ ఓ సమావేశంలో పాల్గొన్నారు. అయితే ఈక్రమంలోనే మస్క్ కుమారుడు లిటిల్ ఎక్స్ అక్కడ తెగ అల్లరి చేశాడు. ఒక్కచోట కూర్చుకుండా అటూ ఇటూ తిరుగుతూ అందరి దృష్టిని ఆకర్షించాడు. ముఖ్యంగా మస్క్ తలపైకి ఎక్కి కూర్చుని మరింత సందడి చేశాడు.

ఇదంతా మనకు తెలిసిందే కాగా.. ఒకానొక క్షణంలో డొనాల్డ్ ట్రంప్ పక్కనే నిల్చుని ముక్కులో వేలు పెట్టుకున్నాడు. ఆపై దాన్ని తీసి డెస్క్‌పై రాశాడు. దీన్ని గమనించిన ట్రంప్.. ఆ చేష్టలకు భయపడిపోయినట్లు తెలుస్తోంది. అందులో భాగంగానే తాజాగా ఆ డెస్క్‌ను తన ఆఫీసు నుంచి తొలగించాడని పలు మీడియా కథనాలు వివరిస్తున్నాయి. అయితే డెస్క్‌ను మారుస్తున్నట్లు ట్రంప్ ట్రూత్ ద్వారా పోస్టు చేసి మరీ చెప్పాడు. ముఖ్యంగా ఓవల్ ఆఫీసులోని 145 ఏళ్ల నాటి పురాతన రెజల్యూట్ డెస్క్‌ను తీసేయించానని చెప్పుకొచ్చారు. దాని స్థాంలో సీఅండ్ఓ డెస్క్‌ను పెట్టించినట్లు వివరించారు. అలాగే ఇది తాత్కాలికం మాత్రమేనని చెప్పారు.

శ్వేతసౌధంలోని 7 డెస్కుల్లో ఏదో ఒకదాన్ని ఎంచుకునే అవకాశం అధ్యక్షుడికి ఉంటుందని.. ఈ సీఅండ్ఓ డెస్క్‌ను గతంలో జార్ద్ బుష్, మరికొందరు అధ్యక్షులు వాడారన్నారు. ఇప్పటి వరకు ఇక్కడున్న రెజల్యూట్ డెస్క్‌ను మరమ్మతుల కోసం పంపించామన్నారు. అది చాలా అత్యవసరం అని చెప్పగా.. మస్క్ కుమారుడు చేసిన చేష్టల వల్లే ట్రంప్ దీన్ని మార్చారని అంతా భావిస్తున్నారు. ముఖ్యంగా ట్రంప్ చాలా శుభ్రతను పాటిస్తారని.. కానీ ఇటీవలే మస్క్ కుమారుడు చేసిన పనుల వల్లే ఈ టేబుల్ మార్చారంటూ పెద్ద ఎత్తున కథనాలు వస్తున్నాయి. మరి దీనిపై అటు ట్రంప్, ఇటు మస్క్ ఎలా స్పందిస్తారో చూడాలి.