పురుష పోలీసులకు మేకప్ శిక్షణ

కానిస్టేబుళ్ల నుంచి పైఅధికారుల వరకు పోలీసు రంగంలో పని చేసే ప్రతీ ఒక్కరికి.. నిందితులను పట్టుకొని, వారికి శిక్ష పడేలా చేయడానికి కావాల్సిన ప్రతీ శిక్షణను ఇస్తుంటారు. గన్ ఫైరింగ్ దగ్గర నుంచి జాగిలాలను వాడడం, ఆధారాలు సేకరించడం, వాటిని కోర్టులో హాజరపరచడం వరకు అన్ని నేర్పుతుంటారు. కానీ మనం ఇప్పుడు చూడబోయే పోలీసులు మాత్రం మేకపోలీసులో శిక్షణ పొందుతున్నారు. అసలు పోలీసులకు ఇది ఏ రకంగా, ఎందుకు ఉపయోగపడుతుందో మనం ఇప్పుడు తెలుసుకుందాం.

జపాన్‌లోని ఓ పోలీసు అకాడమీ తమ వద్ద శిక్షణ పొందుతున్న పురుష అధికారులకు.. ఎవరూ ఇవ్వని శిక్షణ ఇస్తోంది. ముఖ్యంగా బ్యూటీ కన్సల్టెంట్లను పిలిపించి మరీ మేకప్ కళలో శిక్షణ ఇప్పిస్తోంది. పుకుషిమాలోని పోలీసు అకాడమీలో 2025 జనవరి నెలలో మొత్తం 60 మంది పోలీసు అధికారులకు మేకప్ కోర్సు ప్రారంభించినట్లు.. అక్కడి స్థానిక మీడియా సంస్థలు తెలిపాయి. ఐబ్రోస్ చేసుకోవడం, పెన్సిల్ వాడడం, మాయిశ్చరైజింగ్ స్కిన్, ప్రైమర్లు పూసుకోవడం, అప్పుడప్పుడూ మాస్కులు, ఫేస్ ప్యాకులు వేసుకోవడం, హెయిర్ స్టైలింగ్ వంటి వాటన్నిటిని నేర్పిస్తున్నారు.

అయిదే ఇందుకోసం ప్రముఖ జపనీస్ కాస్మటిక్స్ బ్రాండ్ షిసోడో నుంచి ప్రొఫెషనల్ మేకప్ కన్సల్టెంట్లను పోలీసు అకాడమీకి రప్పిస్తున్నారు. వారి చేత కూడా అప్పడప్పుడూ అనేక మెళుకవలు నేర్పిస్తున్నారు. ఈ విషయం తెలుసున్న వారంతా షాక్ అవుతున్నారు. అసలు పోలీసు అధికారులకు అందులోనూ పురుష క్యాడెట్లకు మేకప్ ఎందుకని ప్రశ్నిస్తున్నారు. దీనికి స్పందించిన పోలీసు అకాడమీ.. దీని వెనుక ఓ కారణం ఉందని చెప్పింది. ముఖ్యంగా పోలీసులు అంటే సమాజంలోని వివిధ వర్గాలకు చెందిన వారందరితోనూ కలిసి పని చేయాల్సి ఉంటుందని వివరించింది.

ఎంతో మందిని కలిసే పోలీసులు శుభ్రంగా, అందంగా ఉంటే చూసేందుకు బాగుంటుందని.. అపరిశుభ్రంగా కనిపిస్తే వారితో మాట్లాడేందుకు కూడా కొందరు ఇష్టపడరని తెలిపింది. అయితే మహిళా పోలీసులకు ఎంతో కొంత మేకప్‌పై అవగాహన ఉంటుందని.. కానీ పురుషులు పెద్దగా ఆసక్తి చూపరని వివరించారు. అందుకే తాము పురుషు పోలీసులకు మేకప్ శిక్షణ ఇప్పిస్తున్నట్లు వెల్లడించారు. మరి పోలీసుల అధికారులకు మేకప్ శిక్షణ మీకెలా అనిపిస్తుందో కామెంట్ల రూపంలో వెల్లడించేయండి.