ఆ రెండు కులాలంటే ఎందుకు మీకు కక్ష చంద్రబాబు?
Andhra Pradesh Telugu | Suryaa Desk | Published : Sun, Mar 02, 2025, 06:41 PM
సీఎం చంద్రబాబు విజనరీ కాదు, విద్వాంసకారుడని యర్రగొండపాలెం ఎమ్మెల్యే తాటిపర్తి చంద్రశేఖర్ ఆగ్రహం వ్యక్తం చేశారు. తాడేపల్లిలోని పార్టీ కేంద్ర కార్యాలయంలో ఆదివారం ఆయన మీడియాతో మాట్లాడుతూ.. వైయస్ఆర్సీపీ వారికి పనులు చేయనంటూ చంద్రబాబు చేసిన దిగజారుడు వ్యాఖ్యలను వైయస్ఆర్సీపీ తీవ్రంగా ఖండిస్తోందని అన్నారు. వెంటనే చంద్రబాబు తన వ్యాఖ్యలను వెనక్కి తీసుకోవాలని డిమాండ్ చేశారు.ఒకపక్క విజన్ ఉన్న నాయకుడిని అని చెప్పుకుంటూనే మరోపక్క కులాలు, ప్రాంతాలు, పార్టీలు చూసి పదవులు కేటాయిస్తున్నారు. ఆఖరుకి దళిత, రెడ్డి సామాజికవర్గాలకు చెందిన ఐఏఎస్, ఐపీఎస్ అధికారులకు పోస్టింగ్లు ఇవ్వకపోవడం, అప్రాధాన్య పోస్టుల్లోకి పంపడం, సస్పెండ్ చేయడం లాంటి చర్యల ద్వారా ఆ వర్గాలకు మేం వ్యతిరేకమనే సందేశాన్ని పంపడం చంద్రబాబు దిగజారుడుతనానికి నిదర్శనం. ఇది విజన్ ఉన్న నాయకుడి లక్షణమా? విధ్వంసకారుడి లక్షణమా? అన్ని కులాలు ఓటేస్తేనే సీఎం అయ్యాడనే విషయాన్ని చంద్రబాబు గుర్తుంచుకోవాలి. చంద్రబాబు తాను చేసిన వ్యాఖ్యల పట్ల ప్రజలకు క్షమాపణలు చెప్పాలి. తక్షణం ముఖ్యమంత్రి పదవికి రాజీనామా చేయాలి. చంద్రబాబు పార్టీలు, కులాల మధ్య చిచ్చు పెడుతుంటే పవన్ కళ్యాన్ ఏం చేస్తున్నాడో అర్థం కావడం లేదు అని మండిపడ్డారు.
|
|