కరెంట్ బిల్లు రాకూడదంటే ఒక్కటే ఉపాయం

కరెంట్ బిల్లు షాకిస్తోందా.. అసలే బయట దంచి కొడుతోన్న ఎండలు.. దీంతో జనాలు అందరూ ఇప్పుడే ఏసీలు, కూలర్ల వెంట పడుతూ ఉంటారు. వీటి వినియోగం వల్ల కరెంట్ బిల్లు కూడా ఎక్కువగానే వస్తుంది. ఈ క్రమంలో మీకోసం ఒక అదిరిపోయే ఆప్షన్ అందుబాటులో ఉంది. కరెంట్ బిల్లు కట్టాల్సిన పనే లేదు. పైగా మీకే తిరిగి డబ్బులు వస్తాయి.ఎలా అని అనుకుంటున్నారా.. ఇంటి మీద సోలార్ పవర్ సెట్ చేసుకుంటే సరిపోతుంది. ప్రభుత్వం కూడా అదిరే రాయితీ అందిస్తోంది. కేంద్ర ప్రభుత్వం సోలార్ ఎనర్జీని ప్రోత్సహించేందుకు ఈ మేరకు సబ్సిడీ అందిస్తోంది. మీరు ఎంచుకునే సోలార్ ఎనర్జీ కెపాసిటీ ఆధారంగా మీకు సబ్సిడీ ఎంత వస్తుంది ? అనే అంశం ఆధారపడి ఉంటుంది.కడప జిల్లాలో మైలవరం మండలం నార్జంపల్లి గ్రామంలో దస్తరిగి తన ఇంటిపై సోలార్ ఎనర్జీ ఏర్పాటు చేసుకున్నారు. ఆయన ప్రకారం చూస్తే.. సోలార్ ప్లేట్స్ ఏర్పాటుకు ఎంత ఖర్చు అయ్యింది? ప్రాసెస్ ఏంటి? అనే అంశాలను తెలుసుకుందాం.చేతిలో రూ.30 వేలు ఉంటే సోలార్ ఎనర్జీ సెట్ చేసుకోవచ్చని ఆయన తెలిపారు. ఆంధ్ర ప్రగతి గ్రామీణ బ్యాంక్ రుణం అందించిందని పేర్కొన్నారు. సబ్సిడీ మొత్తం రూ.78 వేలు రావాల్సి ఉందని తెలిపారు. చేతి నుంచి రూ.30 వేలు ఖర్చు అయినట్లు ఆయన తెలిపారు. 3 కిలో వాట్ సామర్థ్యంతో సోలార్ ఎనర్జీ ఏర్పాటుకు రూ. 2 లక్షల వరకు ఖర్చు వస్తుందని వివరించారు.ఇలా ఈ ఖర్చులో రూ. 78 వేలు సబ్సిడీ పోతే.. మిగిలిన మొత్తాన్ని ఈఎంఐ రూపంలో చెల్లించాల్సి వస్తుందని తెలిపారు. ముందే చెల్లించిన రూ. 30 వేలు కూడా తీసేయాల్సి ఉంటుంది. అంటే దాదాపు రూ.90 వేల మొత్తానికి ఈఎంఐ పెట్టుకుంటే సరిపోతుంది. ఇలా మీరు ఉచితంగా కరెంట్ పొందొచ్చు. మీ కరెంట్ బిల్లు ఆదా అవుతుంది.కరెంట్ బిల్లు చాలా మందికి రూ. 500 నుంచి రూ.1000 వరకు రావచ్చు. ఈ మొత్తానికి మరి కొంత కలుపుకుంటే నెల వారీ ఈఎంఐ చెల్లించొచ్చు. ఇలా ఏడాది లేదా రెండేళ్లు చెల్లిస్తే.. తర్వాత పూర్తిగా ఒక్క రూపాయి కట్టకుండా కరెంట్ పొందొచ్చు.అంతేకాకుండా ఇక్కడ మీరు ఉపయోగించి.. మిగిలిన కరెంట్‌ను మీరు ప్రభుత్వానికి విక్రయించొచ్చు. ఇలా చేయడం వల్ల మీకు తిరిగి డబ్బులు కూడా వస్తాయి. అందుకే మీరు కూడా మీ ఇంటిపైన సోలార్ సెట్ చేసుకోవాలని భావిస్తే.. దగ్గరిలోని బ్యాంక్‌కు లేదా కరెంట్ ఆఫీస్‌కు వెళ్లి సంప్రదించొచ్చు.