ఈనెల 14న శింగరకొండ వార్షిక తిరునాళ్ల
Andhra Pradesh Telugu | Suryaa Desk | Published : Mon, Mar 03, 2025, 10:54 AM
అద్దంకి పరిధిలోని శింగరకొండ వార్షిక తిరునాళ్ల సందర్భంగా ట్రాఫిక్ మళ్లించనున్నట్లు చీరాల డీఎస్పీ మొయిన్ ఒక ప్రకటనలో తెలిపారు. ఈనెల 14వ తేది ఉదయం 10 గంటల నుంచి 15వ తేదీ ఉదయం 10 గంటల వరకు అద్దంకి, శింగరకొండ వైపు వచ్చు భారీ వాహనాలు, లారీలు, కార్ల ను ట్రాఫిక్ మళ్లించనున్నట్లు తెలిపారు. హైదరాబాద్ నుంచి ఒంగోలు వైపు వెళ్లే వాహనాలను సంతమాగులూరు అడ్డరోడ్డు, నర్సరావుపేట, చిలకలూరిపేట, మేదరమెట్ల మీదుగా ఒంగోలు వైపు, రేణింగవరం నుంచి అద్దంకి మీదుగా దర్శి వెళ్లే వాహనాలను మేదరమెట్ల, వెల్లంపల్లి మీదుగా, ఒంగోలు వైపు నుంచి హైదరాబాద్ వైపు వెళ్లే వాహనాలను మేదరమెట్ల, మార్టూరు, చిలకలూరిపేట మీదుగా మళ్లించడం జరుగుతుందన్నారు. దర్శి వైపు నుంచి అద్దంకి మీదుగా హైదరాబాద్ వైపు వెళ్లే వాహనాలను కురిచేడు, వినుకొండ మీదుగా మళ్లించడం జరుగుతుందన్నారు. తిరునాళ్ల సందర్భంగా కట్టెల ట్రాక్టర్లు, గడ్డి ట్రాక్టర్లు, పొట్టు ట్రాక్టర్లకు ప్రవేశం లేదని తెలిపారు. తిరునాళ్ల వైపునకు ఆర్టీసీ బస్సులు, అంబులెన్స్లను మాత్రమే అనుమతించడం జరుగుతుందనన్నారు.
|
|