చంద్రబాబుకి ఉన్నది విజన్ కాదు విషం
Andhra Pradesh Telugu | Suryaa Desk | Published : Mon, Mar 03, 2025, 02:32 PM
చంద్రబాబు విజన్ ఉన్న నాయకుడు కాదు, విషం చిమ్మే నాయకుడు అని వైసీపీ నేత మజ్జి శ్రీనివాసరావు అన్నారు. అయన మాట్లాడుతూ.... ఆయన నిజస్వరూపం జీడీ నెల్లూరు కార్యకర్తల సమావేశం సాక్షిగా బయటపడింది. తాను సీఎం స్థానంలో ఉన్నానన్న స్పృహ లేకుండా వైయస్ఆర్సీపీ వారికి పనులు చేయనని చెప్పడం ద్వారా ఇన్నాళ్లు తనలో దాచుకున్న ద్వేషం, కుళ్లును బయటపెట్టుకున్నారు. ఇలాంటి వ్యక్తి సీఎంగా ప్రమాణం చేసే సందర్భంలో చెప్పినట్టుగా నిష్పక్షపాతంగా రాష్ట్ర ప్రజలను సమానంగా చూస్తాడని అనుకోలేం. పొలిటికల్ గవర్నెన్స్ చేస్తానని చెప్పి తన కొడుకు లోకేష్ రాజకీయ భవిష్యత్తు కోసం పనిచేస్తున్నానని చంద్రబాబు ఒప్పుకున్నారు. మేం తలచుకుంటే వైయస్ఆర్సీపీ వారు రోడ్డు మీద తిరగలేరని హోంమంత్రి అనిత చెప్పడం చూస్తుంటే టీడీపీ కార్యకర్తలకు పసుపు బిళ్ల ఇచ్చి ప్రభుత్వ ఆఫీసుల్లో పనులు చేసి పెడతామని చెప్పిన మంత్రి అచ్చెన్నాయుడు వ్యాఖ్యలకు కొనసాగింపుగా ఉన్నాయి. రాజ్యాంగబద్ద పదవుల్లో ఉన్న వ్యక్తులు పార్టీకి అనుకూలంగా పనిచేస్తామని నిస్సిగ్గుగా చెప్పడాన్ని ప్రజాస్వామ్యవాదులు ఖండించాలి. ప్రభుత్వ వైఫల్యాలను ప్రశ్నిస్తుంటే తట్టుకోలేకపోతున్నారు. వైయస్ఆర్ కాంగ్రెస్ పార్టీ అనేది ఉండకూడదనే లక్ష్యంతో మా పార్టీ నాయకులపై అక్రమ కేసులు బనాయించి వేధిస్తున్నారు అని మండిపడ్డారు.
|
|