గుండె ఆరోగ్యాన్ని కాపాడే ఎక్సర్‌సైజెస్

ఏ పని చేయకపోయినా కొన్నిసార్లు ఊరికే అలసిపోతారు. దీంతో పాటు బాడీ పెయిన్స్, తిమ్మిరి, కాళ్ళ నొప్పి వంటి సమస్యలు ఉంటాయి. అదే విధంగా చర్మం పొడి బారుతుంటే దీనికి కారణం శరీరంలో రక్త ప్రసరణ తక్కువగా ఉండడమే. రక్తప్రసరణ సరిగా ఉంటే ఆక్సిజన్, ముఖ్య పోషకాలు అన్ని భాగాలకు అందుతాయి. కార్బన్ డయాక్సైడ్ ధమనుల ద్వారా కణజాలాలకి తీసుకెళ్తుంది. అవయవాల నుండి వ్యర్థాలు సిరల ద్వారా తొలగిపోతాయి. ఫుడ్, వర్కౌట్, నిద్రతో సంబంధం లేకుండా రక్తం కచ్చితంగా శరీరంలోని అన్ని భాగాల నుండి ప్రవహిస్తుంది. రక్తప్రసరణకి అంతరాయం ఏర్పడినప్పుడు కణజాలాలకి పంపిణీ చేసిన ఆక్సిజన్, పోషకాల పరిమాణం బాగా తగ్గుతుంది. దీంతో అలసట, ఎముకలు, కండరాలు, కీళ్ళ నొప్పి, అనారోగ్య సిరలు, గుండె సమస్యలు, స్ట్రోక్, పెరిఫెరల్ వాస్కులర్ డిసీజ్‌‌లు వస్తాయి. కాబట్టి, బాడీలోని అన్ని అవయవాలు సాధారణ, ఆరోగ్యకరమైన పనితీరుని నిర్ధారించడానికి సరైన రక్తప్రసరణ ముఖ్యం.

రక్త ప్రసరణ పెరగడానికి వర్కౌట్ హెల్ప్ చేస్తుంది. దీంతో పాటు సమతుల్య ఆహారం, మంచి నిద్ర ఉండాలి. వీటి కారణంగా జీవక్రియ పెరిగి ఇమ్యూనిటీ మెరుగవుతుంది. జీర్ణక్రియ మెరుగవుతుంది. ఇది కార్డియోవాస్కులర్ డిసీజ్ సమస్యని పెంచుతుంది. గుండె ఆరోగ్యాన్ని మెరుగ్గా చేస్తుంది. రక్తాన్ని పంప్ చేయడానికి గుండె కండరాలని బలంగా చేస్తుంది. కాబట్టి, రక్త ప్రసరణని పెంచే వర్కౌట్స్ గురించి తెలుసుకోండి.

జంప్ రోప్..

క్రాస్ రోప్ ట్రైనింగ్ అంటారు. జంప్ రోప్ వర్కౌట్ అంటే మనం చిన్నప్పుడు ఆడిన తాడాట. దీనిని ఆడడం వల్ల కదలికలు పెరుగుతాయి. బాడీలో రక్తప్రసరణ మెరుగవుతుంది. ఫ్లెక్సిబిలిటీ పెరుగుతుంది.

వాకింగ్..

వాకింగ్, ఈవెనింగ్ వాక్ కూడా మన బాడీలో మ్యాజిక్‌ని చేస్తుంది. చేతులు, కాళ్ళని ఈజీగా కదిలేలా చేస్తుంది. వెనుకభాగాన్ని నిటారుగా ఉంచుతుంది. దీని వల్ల రక్తప్రవాహం పెరుగుతుంది. అంతర్గత జీవరసాయన విధులు సజావుగా ఉంటాయి. కణాలు, కణజాలాలు, అవయవాలను హెల్దీగా ఉంటాయి. రోజుకి 15 నుంచి 20 నిమిషాల వాకింగ్ అన్ని వయసుల వారి గుండె ఆరోగ్యానికి చాలా మంచిది. దీంతో రక్తప్రసరణ మెరుగ్గా ఉంటుంది.

స్విమ్మింగ్..

బాడీలోని రక్తప్రసరణ పెంచడంలో బెస్ట్ వర్కౌట్ స్విమ్మింగ్. నీటిలో ఉన్నప్పుడు మీ శ్వాస సరిగ్గా ఉంటుంది. దీంతో ఊపిరితిత్తుల పనితీరు పెరుగుతుంది. బలాన్ని పెరుగుతుంది. ఇది ఈజీ అండ్ ఎఫెక్టివ్ వర్కౌట్. గుండె కండరాలని బలంగా చేయడానికి చాలా మంచి వర్కౌట్. దీని వల్ల గుండెకి రక్తప్రవాహం మెరుగువుతుంది. రక్తప్రసరణ సరిగ్గా ఉంటుంది. రక్తపోటు స్థాయిలు కంట్రోల్ అవుతాయి.

ఏరోబిక్స్..

గుండె కండరాల బలాన్ని పెంచడానికి, బాడీలో రక్త ప్రసరణ పెంచడానికి ఏరోబిక్స్ బెస్ట్ వర్కౌట్. ఇది కడుపు, తుంటి, తొడలు, చేతులు, కాళ్ళు, కోర్ కండరాలని స్ట్రెచ్ చేస్తుంది. కదలికలు సరిగ్గా ఉంటాయి. ఈ వర్కౌట్ శరీర పనితీరుని పెంచుతుంది. రక్తంలోని ఆక్సిజన్, పోషకాలను గ్రహించే కణాలు, కణజాలాల సామర్థ్యాన్ని పెంచుతుంది. అంతేకాకుండా, ఏరోబిక్స్ వర్కౌట్ కండరాలకి మంచి ఫ్లెక్సిబిలిటీని పెంచి బలంగా, దృఢంగా మారుస్తాయి.

యోగా..

యోగా చేస్తే శరీరం, మనసు రెండింటికి చాలా మంచిది. ఇందులో డీప్ బ్రీథింగ్ వర్కౌట్, స్ట్రెచింగ్‌లు ఉంటాయి. ఇది ఊపిరితిత్తుల సామర్థ్యాన్ని పెంచుతుంది. శ్వాస సమస్యల్ని తగ్గిస్తుంది. శారీరక కదలికలని పెంచి రక్తనాళాలు, ధమనులు, సిరలని విస్తరిస్తుంది. దీంతో రక్తప్రసరణ సరిగ్గా జరుగుతుంది. ఆక్సీజన్, పోషకాలు అన్ని కణజాలాలకు, అవయవాలకి పంపిణీ అవుతుంది. దీంతో మొత్తం ఆరోగ్యం మెరుగవుతుంది.