పుచ్చకాయపై ఉప్పు చల్లి తింటే ఎలాంటి బెనిఫిట్స్ ఉంటాయి

ఎండాకాలం రాగానే చాలా మంది చల్లచల్లగా పుచ్చకాయలు తింటారు. ఇందులో నీటిశాతం ఎక్కువగా ఉండడం వల్ల దీనిని తింటే రిలాక్స్‌గా ఫీల్ అవుతారు. అయితే, కొంతమంది దీనిపై ఉప్పు చల్లి తింటారు. అసలు ఎందుకు అలా చల్లి తింటారు. తింటే వచ్చే లాభాలేంటి తెలుసుకోండి.

​పుచ్చకాయపై ఉప్పు చల్లి తినడం కొంతమందికి ఇష్టమైతే మరికొంతమందికి ఏంటి ఈ వెరైటీ కాంబినేషన్ అనిపిస్తుంది. కొంతంద పుచ్చకాయని చీజ్, సలాడ్స్‌లో కూడా వేసి తింటారు. ఇవి కామన్‌గానే అనిపించినప్పటికీ ఉప్పు కాంబినేషన్‌తో తీసుకోవడం ఎందుకో కొంతమందికి నచ్చదు.

సాధారణంగా మొలకలు, క్యాబేజి, కాలే, వంటివాటిపై ఉప్పు వేయడం వల్ల రుచి బ్యాలెన్స్ అవుతుంది. అదే విధంగా, ద్రాక్షపండు, క్రాన్‌బెర్రీస్ వంటి ఇతర పండ్లు కొంత చేదుని కలిగి ఉంటాయి. వీటి రుచిని సహజంగా పెంచడానికి ఉప్పు చాలా బాగా హెల్ప్ చేస్తుంది. మరీ పుచ్చకాయపై ఉప్పు వేయడం రుచికోసమేనా.. ఇంకేమైనా లాభాలున్నాయో తెలుసుకోండి.

పుచ్చకాయపై ఉప్పు వేయడం

పుచ్చకాయలో నీటిశాతం ఎక్కువగా ఉంటుంది. దీంతో ఈ ముక్కలపై కొద్దిగా ఉప్పు వేసి తినడం వల్ల పండ్ల ముక్కలు మరింత జ్యూసీగా, తియ్యగా ఉంటాయని చెబుతున్నారు. దీనికోసం ముందుగా పుచ్చకాయని కట్ చేసి కొద్ది ఉప్పు చల్లి ఆ తర్వాత తింటారు. పుచ్చకాయలో తొంబైశాతానికి పైగా నీరు ఉంటుంది. దీనిని తీసుకోవడం వల్ల హైడ్రేట్‌గా ఉండడమే కాకుండా గుండె ఆరోగ్యం మెరుగవుతుంది. ఈ పండులోని లైకోపీన్ అనే ఆరోగ్యకరమైన మూలకం చెడు కొలెస్ట్రాల్ స్థాయిలను తగ్గిస్తుంది.

వేసవిలో

ఎండాకాలంలో పుచ్చకాయపై ఉప్పువేస్తారు. దీనికోసం మీరు ఏ ఉప్పునైనా తీసుకోవచ్చు. ముక్కలపై కాస్తా ఉప్పు చల్లి ఆ తర్వాత ముక్కల్ని తింటుంటే ముక్కముక్కలోనూ రుచి తెలుస్తుంది.ఈ పండులో అమైనో యాసిడ్ సిట్రులిన్ పునరుత్పత్తి అవయవాలకు రక్తప్రసరణని మెరుగ్గా చేస్తుంది. పురుషుల్లో అంగస్తంభన సమస్యల్ని దూరం చేస్తుంది. లైంగిక సమస్యల్ని తగ్గిస్తుంది.

మరింత రుచి పెంచాలనుకుంటే

మనకి అనేక రకాల ఫ్లేవర్డ్ సాల్ట్‌లు దొరుకుతాయి. వాటిని కూడా మీరు ట్రై చేయొచ్చు. వీటిని ట్రై చేయడం వల్ల మీరు మరింత టేస్ట్‌ని ఎంజాయ్ చేస్తారు. దీనికోసం నిమ్మ ఉప్పు కూడా వాడొచ్చు. నిమ్మరసం కూడా వాడొచ్చు.

పుచ్చకాయతో లాభాలు

పుచ్చకాయలో దాదాపు 92 శాతం నీరు ఉంటుంది. ఇది బాడీని డీహైడ్రేషన్ నుంచి కాపాడుతుంది. ఇందులో విటమిన్ ఎ, సి కంటెంట్ చర్మ ఆరోగ్యాన్ని కాపాడుతుంది. దీని వల్ల మంచి ప్రకాశవంతమైన, అందమైన రంగుని ఇస్తుంది. విటమిన్ సి ఎక్కువగా ఉండే పుచ్చకాయని తింటే ఇమ్యూనిటీ పెరుగుతుంది. వర్కౌట్ తర్వాత తీసుకుంటే రక్తపోటు తగ్గడమే కాకుండా కండరాల వాపు కూడా తగ్గుతుంది. గుండెజబ్బులు తగ్గుతాయి. బరువుని బ్యాలెన్స్ చేయడంలో హెల్ప్ చేస్తుంది.

ఉప్పు చల్లి తింటే లాభాలు

పుచ్చకాయని నేరుగా తిన్నప్పటికీ ఇన్ని లాభాలున్నప్పటకీ దీనిపై చిటికెడు ఉప్పు చల్లి తింటే పోషకాలను గ్రహించడంలో హెల్ప్ చేస్తుంది. అయితే, అది కొద్దిగా తీసుకున్నప్పుడే మంచిది. ఉప్పులో మంచి మొత్తంలో సోడియం ఉంటుంది. ఎక్కువగా తినడం మంచిది కాదు. కానీ, అందరికీ నచ్చకపోవచ్చు. ఉప్పు చల్లి తినడమా, నార్మల్‌గా తినాలనేది మీ వ్యక్తిగత ఇష్టంపై ఆధారపడి ఉంటుంది.