వైట్ డిశ్చార్జ్ సమస్యతో సతమతమవుతున్నారా

వీక్‌‌గా ఉండడం, ఇన్ఫెక్షన్ కారణంగా ఎక్కువగా వైట్ డిశ్చార్జ్ కనిపిస్తుంది. అయితే, ఇది సాధారణంగా తెల్లగా ఉంటే అంత ప్రాబ్లమ్ ఏమీ కాదు. కానీ, రకరకాల రంగుల్లో కనిపించడం మాత్రం ప్రాబ్లమ్. కొన్నిసార్లు ఇది ఈస్ట్ ఇన్ఫెక్షన్ కారణంగా కూడా కనిపిస్తుంది. ప్రైవేట్ పార్ట్స్‌ని క్లీన్‌గా ఉంచుకోకపోవడం వల్ల కూడా వైట్ డిశ్చార్జ్ కావడానికి ఓ కారణం. వీటితో పాటు రకరకాల డెఫిషియన్సెస్ కూడా ఉన్నాయి. వైట్ డిశ్చార్జ్ ప్రాబ్లమ్ ఉన్నప్పుడు అలసట, నీరసం, దురద, వీక్‌గా అనిపించడం వంటి లక్షణాలు ఉంటాయి. అంతేకాదు, ప్రైవేట్ పార్ట్స్ నుంచి ఓ రకమైన వాసన, తలనొప్పి, మలబద్ధకం వంటి సమస్యలు ఉటాయి. ఈ సమస్య ఎక్కువగా ఉంటే వెంటనే డాక్టర్ దగ్గరికి వెళ్లడం మంచిది. అయితే, సమస్య మొదట్లో మనం కొన్ని ఇంటి చిట్కాలని కూడా ఫాలో అవ్వొచ్చు. ఆ టిప్స్ ఏంటో తెలుసుకోండి.

గంజి

అన్నం వండేటప్పుడు కొంతమంది గంజిని పారబోస్తుంటారు. కానీ, ఇందులో ఎన్నో అద్భుత గుణాలు ఉన్నాయి. ముఖ్యంగా లేడీస్ గంజిని రెగ్యులర్‌గా తీసుకుంటే వైట్ డిశ్చార్జ్ ప్రాబ్లమ్ తగ్గేందుకు హెల్ప్ అవుతుంది. మీకు సమస్య ఎక్కువగా ఉంటే గంజిని తీసుకోవడం వల్ల చాలా వరకూ సమస్య తగ్గుతుంది.

తులసి

ప్రతి ఇంట్లోనూ ఉండే చెట్లలో తులసి కూడా ఒకటి. దీనిని ఎంత పవిత్రంగా భావిస్తామో ఇందులోని మెడిసినల్ గుణాలు కూడా అంతే హెల్త్‌కి మంచిది. దీనికోసం తులసిని కొన్ని నీటితో కలిపి మిక్సీ చేయాలి. ఇందులో కొద్దిగా తేనె వేయాలి. రోజుకి రెండుసార్లు ఈ డ్రింక్‌ని తాగితే సమస్య తగ్గుతుంది. అంతేకాకుండా, తులసిని పాలతో కలిపి కూడా తీసుకోవచ్చు.

ఉసిరి

ఉసిరిలో కూడా ఎన్నో పోషకాలు ఉంటాయి. ఇందులో విటమిన్ సితో పాటు ఎన్నో గుణాలు ఉంటాయి. ఇవి ఇమ్యూనిటీని పెంచి ఆరోగ్యానని కాపాడతాయి. దీనిని మనం పచ్చిగా తీసుకోవచ్చు. పౌడర్‌లా చేసి నీటిలో కలిపి తీసుకోవచ్చు. మురబ్బాలా చేసి తినొచ్చు. లేదా క్యాండీస్‌లా చేసి చప్పరించొచ్చు. రెగ్యులర్‌గా వీటిని తింటే సమస్య తగ్గుతుంది.

బెండకాయ

బెండకాయలతో కూడా సమస్యని దూరం చూసుకోవచ్చు. దీనికోసం ముందుగా కొన్ని బెండకాయల్ని నీటిలో వేసి మరిగించాలి. దీనిని మిక్సీ పట్టి ఆ మిశ్రమాన్ని తీసుకోవాలి. కొంతమంది బెండకాయల్ని పెరుగులో నానబెట్టి తింటారు. దీని వల్ల కూడా చాలా వరకూ సమస్య తగ్గుతుంది.

ధనియాలు

ధనియాలని మన ఇంట్లో వంటలకి వాడతారు. వీటిని వాడి సమస్యని తగ్గించుకోవచ్చు. ఓ స్పూన్ ధనియాలని తీసుకుని రాత్రంతా నీటిలో నానబెట్టాలి. వీటిని ఉదయాన్నే వడకట్టి నీటిని తీసుకోవాలి. ఇది చేయడం ఈజీనే. దీని వల్ల కూడా సమస్య తగ్గుతుంది.

మెంతులు

​మెంతులని వాడడం వల్ల వైట్ డిశ్చర్జ్ సమస్యని తగ్గించుకోవచ్చు. దీనికోసం ఓ టీస్పూన్ మెంతులని 500 మిల్లీ లీటర్ల నీటిలో వేసి మరిగించాలి. నీరు సగమయ్యేవరకూ మరిగించాలి. తర్వాత గ్యాస్ ఆఫ్ చేసి ఈ నీరు గోరువెచ్చగా ఉన్నప్పుడే తాగాలి. దీని వల్ల వైట్ డిశ్చార్జ్ సమస్య తగ్గడమే కాదు. ఇతర సమస్యలు కూడా తగ్గుతాయి.

జామాకులు

జామ పండ్లు చాలా ఇష్టంగా తింటారు. వీటిని తినడం వల్ల చాలా సమస్యలు తగ్గుతాయి. వీటితో పాటు ఈ ఆకుల్ని నీటిలో మరిగించి ఆ నీటిని తాగడం వల్ల కూడా సమస్య తగ్గుతుంది. రోజుకి రెండు సార్లు ఈ నీటిని తాగండి. దీని వల్ల వైట్ డిశ్చార్జ్ సమస్య చాలా వరకూ దూరమవుతుంది.

ఇన్ని జాగ్రత్తలు తీసుకున్నా సమస్య తగ్గకపోతే వెంటనే డాక్టర్‌ని సంప్రదించడం మంచిది.