తక్కువ బరువుతో పిల్లలు చూడ్డానికి చిన్నపిల్లల్లా ఉన్నారా, కొన్ని ఫుడ్స్ తింటే కచ్చితంగా బరువు పెరుగుతారు

చాలా మంది తల్లులు మా పిల్లలు అసలు బరువు పెరగట్లేదండి. దీంతో చూడ్డానికి చిన్నపిల్లల్లా కనిపిస్తున్నారు. ఏం చేయాలో తెలియట్లేదని అంటూ కంప్లైంట్స్ చేస్తుంటారు. నిజమే పిల్లలు బరువు పెరగకపోతే కష్టంగానే ఉంటుంది. అయితే, అందుకోసం రకరకాల మెడిసిన్స్ వాడాల్సిన అవసరం లేదు. ఆరోగ్యకరంగానే బరువు పెరగాలంటే కొన్ని హెల్దీ ఫుడ్స్ వారికి ఇవ్వాలి. అదే విధంగా, కార్బ్స్

ఇక కార్బోహైడ్రేట్స్ విషయానికొస్తే అన్నం, కార్న్, బంగాళాదుంపలు, చిలగడదుంపలు, హోల్ గ్రెయిన్ బ్రెడ్, పాస్తా, ఓట్స్, క్వినోవా, గ్రనోలా బార్స్ వంటివి వారిచేత తినిపించాలి. అదే విధంగా, అరటిపండ్లు, ఖర్జూరాలు, అంజీరపండ్లు, రూట్ వెజిటేబుల్స్, డ్రై ఫ్రూట్స్ వంటివి తినిపించడం వల్ల వారి బరువుని పెంచొచ్చు.

పాలు, పాల పదార్థాలు

క్రీమ్ చీజ్, ఫుల్ ఫ్యాట్, చీజ్, ఫుల్ ఫ్యాట్ యోగర్ట్, బటర్ మిల్క్, పాలు, ఫ్రెష్ క్రీమ్ వంటివన్నీ కూడా పిల్లలు బరువు పెరిగేందుకు హెల్ప్ చేస్తాయి. వీటితో పాటు, బటర్, నెయ్యి, ఆలివ్ ఆయిల్, కనోలా ఆయిల్, సలాడ్ డ్రెస్సింగ్, వీటన్నింటిని కూడా అప్పుడప్పుడు వారిచేత తినిపిస్తే పిల్లలు హెల్దీగానే బరువు పెరుగుతారు.

ప్రోటీన్ ఫుడ్స్

పిల్లల బరువు పెరగడానికి ప్రోటీన్ ఫుడ్స్ హెల్ప్ చేస్తాయి. అందులో రెడ్ మీట్, బీఫ్, స్టీక్, ల్యాంబ్, వైట్ మీడి, చికెన్, టర్కీ, ఫ్యాటీ ఫిస్, సాల్మన్, మాకెరెల్, టునా, ట్రాట్, సార్టినెస్, గుడ్లు, నట్, సీడ్ బటర్స్, కాష్యూ బటర్, ఆల్మండ్ బటర్, పీనట్ బటర్, సన్ ఫ్లవర్ బటర్, నట్స్, సీడ్స్, వాల్‌నట్స్, బాదం, చియా సీడ్స్, ఫ్లాక్స్ సీడ్స్, సోయ్ ప్రోటీన్, సోయా మిల్క్, టోఫు వంటి ఫుడ్స్ హెల్ప్ చేస్తాయి.

బలవంతంగా

అదే విధంగా, కొంతమంది తల్లులు పిల్లలు తక్కువగా బరువు ఉన్నారని ఎలా అయినా వారిని లావుగా కనిపించేలా చేయాలని బలవంతంగా తినిపిస్తుంటారు. కానీ, ఇలా చేయడం వల్ల వారికి తిండిపైనే ఆసక్తి తగ్గుతుంది. దీంతో అందాల్సిన పోషకాలు కూడా అందవు. కాబట్టి, బలవంతం పెట్టకుండా వారు ఇష్టంగా తినేలా ఫుడ్ ఇవ్వండి.

తినిపించే టైమ్‌లో

కొంతమంది టీవీ చూస్తూ తినిపిస్తారు. దీంతో వారి ఆలోచనలు మొత్తం ఫుడ్ కంటే ఎక్కువగా టీవీ మీదే ఉండి ఏం తింటున్నాం. ఎంత తింటున్నమనే విషయాలు పట్టించుకోరు. వారికి రుచి కూడా తెలియద. కాబట్టి, అలా కాకుండా తినేటప్పుడు తిండి మీదే ఫోకస్ ఉండేలా చేయండి, గ్యాడ్జెట్స్ లేకుండా చూడండి. దీంతో ఇంట్రెస్ట్‌గా ఫుడ్‌ని ఆస్వాదిస్తూ తింటారు.