డయాబెటిస్ రోగులకు ఉదయం పూట రక్తంలో షుగర్ లెవల్స్ ఎందుకు ఎక్కువగా ఉంటాయో తెలుసా

ఉదయం పరగడుపున రక్తంలో చక్కెర పెరగడానికి ప్రధాన కారణం హార్మోన్ల మార్పులు కావచ్చు. సాధారణంగా ఉదయం వేళల్లో హార్మోన్ల మార్పులు ఎక్కువగా ఉంటాయి. ఉదయాన్నే శరీరంలో కార్టిసాల్, కాలేయం నుంచి గ్లూకోజ్ విడుదలకు సహాయపడే గ్లూకాగాన్ స్థాయిలు పెరుగుతాయి. ఈ హార్మోన్లు శరీరానికి ఎక్కువ శక్తిని ఇవ్వడానికి గ్లూకోజ్ ఉత్పత్తిని పెంచుతాయి. ఈ ప్రభావం ముఖ్యంగా డయాబెటిక్ రోగులలో కనిపిస్తుంది. ఎందుకంటే వారి శరీరం ఇన్సులిన్‌ను సరిగ్గా ఉపయోగించుకోలేదు. దీంతో రక్తంలో షుగర్ లెవల్స్ పెరుగుతాయి.​

ప్రస్తుత కాలంలో డయాబెటిస్ అనేది అతి పెద్ద ముప్పుగా మారింది. డయాబెటిస్ కేసులు భారీగా పెరుగుతున్నాయి. చిన్నా పెద్దా తేడా లేకుండా చాలామంది ఈ మహమ్మారితో బాధపడుతున్నారు. డయాబెటిస్ వచ్చిన వారి రక్తంలో షుగర్ లెవల్స్ హెచ్చు తగ్గులకు గురవుతాయి. దీంతో శరీర కణాలకు శక్తి అందక అలసటగా అనిపిస్తుంది. డయాబెటిస్ ఒక దీర్ఘకాలిక వ్యాధి. ఒక్కసారి వచ్చిందంటే, జీవితాంతం చక్కెర స్థాయిలను అదుపులో ఉంచుకునే ప్రయత్నాలు చేయాలి. అయితే జీవన శైలి మార్పులు, చిన్నపాటి ఆహారపు అలవాట్లు పాటిస్తే వ్యాధి సోకే ముప్పు తగ్గుతుందని వైద్యులు సూచిస్తున్నారు.

డయాబెటిస్ అనేది చాలా దీర్ఘకాలిక వ్యాధి, దీనిని ఎదుర్కోవడానికి, దాని గురించి సరైన సమాచారం కలిగి ఉండటం చాలా ముఖ్యం. అయితే, కొంతమంది డయాబెటిస్ రోగులలో ఉదయం పూట రక్తంలో చక్కెర స్థాయి ఎక్కువగా ఉంటుంది. దీనిని ఫాస్టింగ్ బ్లడ్ షుగర్ అంటారు. ఉదయం నిద్రలేవగానే రక్తంలో చక్కెర స్థాయిలు అకస్మాత్తుగా పెరిగినప్పుడు ఇది జరుగుతుంది. అసలు ఉదయం నిద్రలేవగానే రక్తంలో చక్కెర స్థాయిలు ఎందుకు ఎక్కువగా ఉంటాయి. షుగర్ లెవల్స్ నియంత్రించడానికి ఏం చేయాలో తెలుసుకుందాం.

  హార్మోన్ల మార్పులు

ఉదయం పరగడుపున రక్తంలో చక్కెర పెరగడానికి ప్రధాన కారణం హార్మోన్ల మార్పులు కావచ్చు. సాధారణంగా ఉదయం వేళల్లో హార్మోన్ల మార్పులు ఎక్కువగా ఉంటాయి. ఉదయాన్నే శరీరంలో కార్టిసాల్, కాలేయం నుంచి గ్లూకోజ్ విడుదలకు సహాయపడే గ్లూకాగాన్ స్థాయిలు పెరుగుతాయి. ఈ హార్మోన్లు శరీరానికి ఎక్కువ శక్తిని ఇవ్వడానికి గ్లూకోజ్ ఉత్పత్తిని పెంచుతాయి. ఈ ప్రభావం ముఖ్యంగా డయాబెటిక్ రోగులలో కనిపిస్తుంది. ఎందుకంటే వారి శరీరం ఇన్సులిన్‌ను సరిగ్గా ఉపయోగించుకోలేదు. దీంతో రక్తంలో షుగర్ లెవల్స్ పెరుగుతాయి.​

ఇన్సులిన్ నిరోధకత

​డయాబెటిస్ ఉన్న రోగులకు ఇన్సులిన్ నిరోధకత ఉంటుంది. అంటే శరీర కణాలు ఇన్సులిన్‌కు సరిగ్గా స్పందించవు. ఉదయం పూట, ఈ నిరోధకత మరింత పెరగవచ్చు. ఈ కారణంగా రక్తంలో చక్కెర స్థాయిలు అదుపు తప్పుతాయి. టైప్ 2 డయాబెటిస్ ఉన్న రోగులలో ఇది ఎక్కువగా ఉంటుంది.

చెడు ఆహారం, నిద్ర అలవాట్లు

రాత్రి తినే సమయం, ఆహారం కూడా ఉదయం రక్తంలో చక్కెర స్థాయిలను ప్రభావితం చేస్తాయి. రాత్రి భోజనం ఎక్కువగా తిన్నా లేదా ఎక్కువ కార్బోహైడ్రేట్లు ఉండే ఆహారం తీసుకున్నా ఇలా జరుగుతుంది. శరీరం రాత్రిపూట ఆ కార్బోహైడ్రేట్లను ప్రాసెస్ చేయడానికి సమయం పడుతుంది. దీంతో ఉదయం కల్లా రక్తంలో చక్కెర స్థాయిలు పెరుగుతాయి. వీటితో పాటు నిద్రలేమి లేదా రాత్రి పూట తరచుగా మేల్కొవడం కూడా శరీరం యొక్క హార్మోన్ల స్థాయిల్ని ప్రభావితం చేస్తాయి. దీంతో, రక్తంలో చక్కెర స్థాయిలు పెరుగుతాయి.

తీసుకోవాల్సిన జాగ్రత్తలు

* రాత్రి భోజనం తేలికగా ఉంచండి: రాత్రిపూట ఆలస్యంగా తినే అలవాటు మానుకోండి. అంతేకాకుండా ఎక్కువ మోతాదులో తినకండి. అంతేకాకుండా భోజనంలో కార్బోహైడ్రేట్లు, చక్కెరను నివారించండి.

* సమయానికి నిద్రపోండి: మంచి నిద్ర, సరైన సమయంలో నిద్రపోవడం వల్ల శరీరం యొక్క హార్మోన్ల సమతుల్యత మెరుగుపడుతుంది. అందుకే రాత్రి పూట త్వరగా నిద్రపోవడానికి ప్రయత్నించండి.

* ఉదయం వ్యాయామం: తేలికపాటి వ్యాయామం లేదా నడక ఉదయం రక్తంలో చక్కెరను నియంత్రించడంలో సహాయపడుతుంది.

ఎలా నియంత్రించాలి

ఉదయం పూట రక్తంలో చక్కెర పెరగడం మధుమేహంలో సాధారణం కావచ్చు. కానీ సరైన సమాచారం, చర్యలతో దీనిని నియంత్రించవచ్చు. రక్తంలో చక్కెర పెరిగినట్లు అనిపిస్తే, వైద్యుడిని సంప్రదించడం ముఖ్యం. అలాగే, సరైన ఆహారం, క్రమం తప్పకుండా వ్యాయామం, సరైన నిద్ర అలవాట్లను అలవర్చుకోవడం ద్వారా మధుమేహాన్ని నియంత్రించవచ్చు.