ఎన్ఈపీపై సీఎం స్టాలిన్ కీలక వ్యాఖ్యలు
national | Suryaa Desk | Published : Wed, Mar 12, 2025, 07:51 PM
నేషనల్ ఎడ్యూకేషన్ పాలసీపై తమిళనాడు ప్రభత్వానికి, కేంద్ర ప్రభుత్వానికి మధ్య వివాదం ముదురుతోంది. తాజాగా ఎన్ఈపీపై సీఎం స్టాలిన్ కీలక వ్యాఖ్యలు చేశారు. ఇది జాతీయ విద్యా విధానం కాదు.. బీజేపీ పాలసీ అని తీవ్ర విమర్శలు చేశారు. దేశాన్ని అభివృద్ధి చేసే ఉద్దేశం బీజేపీ నాయకులకు లేదని, హిందీని వ్యాప్తి చేయడమే వారి లక్ష్యమని ఘాటు వ్యాఖ్యలు చేశారు.అయితే ఈ వివాదంపై ఆంధ్రప్రదేశ్ మంత్రి నారా లోకేశ్ తాజాగా స్పందించారు. తమిళనాడు సీఎం స్టాలిన్పై పరోక్షం వ్యాఖ్యలు చేశారు. మాతృభాష కచ్చితంగా కీలకమైందని, త్రిభాషా విధానంపై అనవసర రాద్ధాంతం చేయవద్దని సూచించారు. పక్క రాష్ట్రాలు కొన్ని అపోహలు కలిగిస్తున్నాయని వ్యా్ఖ్యానించారు. మాతృ భాషను కాపాడుకోవాలని అటు కేంద్రం సైతం స్పష్టంగా చేప్పిందని పేర్కొన్నారు. కానీ భాష చుట్టూ రాజకీయం చేయడం సరికాదని మంత్రి లోకేశ్ వ్యాఖ్యానించారు.
|
|