డొనాల్డ్ ట్రంప్‌ను మైక్‌తో కొట్టిన రిపోర్టర్

అగ్రరాజ్యం అమెరికా అధ్యక్షుడిగా డొనాల్డ్ ట్రంప్ రెండోసారి పదవీ బాధ్యతలు చేపట్టినప్పటి నుంచి చాలా దూకుడుగా వ్యవహరిస్తున్నారు. అనేక షాకింగ్ నిర్ణయాలు తీసుకుంటూ ప్రజలను అల్లాడిస్తున్నారు. అయితే తాజాగా ఆయనే షాకయ్యే పని చేసింది ఓ మహిళా రిపోర్టర్. ముఖ్యంగా ట్రంప్ మీడియా ప్రతినిధులతో మాట్లాడుతుండగా.. ఓ మహిళా రిపోర్టర్ అత్యుత్సాహం ప్రదర్శించింది. పైన పైన పడుతూ ప్రశ్నలు అడగ్గా.. ఆమె మైక్ ట్రంప్ ముఖానికి తాకింది. దెబ్బ తగిలిన వెంటనే ట్రంప్ ముఖం మారిపోయింది. కనుబొమ్మలతోనే ఆయన ఆమెను బెదిరించారు. ప్రస్తుతం ఇందుకు సంబంధించిన వీడియో నెట్టింట వైరల్ అవుతోంది. ఆ పూర్తి వివరాలు మీకోసం.

అమెరికా అధ్యక్షుడు డొనాల్డ్ ట్రంప్ మార్చివ తేదీ శుక్రవారం రోజు అమెరికాలోని మేరీల్యాండ్‌లోని జాయింబ్ బేస్ ఆండ్రూస్ విమానాశ్రయం నుంచి బయలు దేరి ఎయిర్ ఫోర్స్ వన్ వేఎక్కే ముందు.. మీడియా ప్రతినిధులతో మాట్లాడారు. ముఖ్యంగా ప్రస్తుతం గాజా పరిస్థితి ఎలా ఉంది, యుద్ధానికి సంబంధించిన విషయాలపై ప్రశ్నలు అడిగారు. ఓవైపు ట్రంప్ సమాధానాలు చెబుతుండగా.. మరోవైపు రిపోర్టర్లు పోటీ పడి మరీ ప్రశ్నలు సంధించారు.

ఈక్రమంలోనే ఓ మహిళా రిపోర్టర్ తన బూమ్ మైక్రోఫోన్‌ను పట్టుకుని.. ప్రశ్న అడిగేందుకు మరింత ముందుకెళ్లింది. దీంతో మైక్ ట్రంప్ ముఖానికి తాకగా.. ఆయన కాస్త ఇబ్బంది పడ్డారు. వెంటనే తన కనుబొమ్మలను ఎగిరేస్తూ.. ఆ మహిళా రిపోర్టర్ వైపు కోపంగా చూశారు. ఆపై వెంటనే ప్రశ్న అడుగుతున్న మరో రిపోర్టర్‌పైకి దృష్టి మళ్లించారు. కానీ ప్రశ్న అడగడం పూర్తి కాగానే.. తనకు దెబ్బ తగిలించిన రిపోర్టర్ ముఖం చూసి మీరు ఈరోజు టెలివిజన్‌లో హాట్ టాపిక్‌గా మారబోతున్నారని అన్నారు.

దీంతో అక్కడున్న వారంతా నవ్వుకోగా.. ట్రంప్ కూడా నవ్వారు. ప్రస్తుతం ఇందుకు సంబంధించిన వీడియో నెట్టింట తెగ వైరల్ అవుతుండగా అంతా షాక్ అవుతున్నారు. ట్రంప్ ముఖానికే దెబ్బ తగిలించిందా అని కొందరు.. ఆమె కావాలనే చేసుంటుందని మరికొందరు సోషల్ మీడియా వేదికగా కామెంట్లు చేస్తున్నారు. మరికొందరు అయితే ట్రంపునకు భద్రతను పెంచాలని వివరిస్తున్నారు. మరి ఈ వీడియో చూస్తే మీకేం అనిపిస్తుందో కామెంట్ల రూపంలో వెల్లడించేయండి.