గ్యాస్ స్టౌ నుంచి తక్కువ మంట వస్తుందా, కొన్ని ఫాలో అయితే మంట అమాంతం

గ్యాస్ స్టౌ వంట చేసేందుకు చాలా మంది వాడతారు. కొత్తగా కొన్నప్పుడు ఈ స్టౌ నుంచి ఎక్కువగానే మంట వస్తుంది. రాన్రాను తగ్గుతుంది. దీంతో వంట చేయడం చాలా కష్టంగా మారుతుంది. దీనికి కారణాలు చూస్తే బర్నర్ ఫుడ్ పార్టికల్స్‌తో నిండిపోవడం, దీంతో ఎక్కువగా గ్యాస్ బయటికి రాదు. మంట తక్కువగా వస్తుంది. అదే విధంగా, బర్నర్‌కి గ్యాస్ ప్రవాహం తగ్గడం. దీని వల్ల గ్యాస్ వాల్వ్ కంట్రోల్ అవుతుంది. పూర్తిగా తెరుచుకోదు. దీంతో తక్కువ మంట వస్తుంది. దీనిని ఎలా ఫిక్స్ చేయాలో తెలుసుకోండి.

రెగ్యులర్‌గా క్లీనింగ్

మనం ఎక్కువగా గ్యాస్ స్టౌని క్లీన్ చేస్తుంటాం. కానీ, బర్నర్స‌ని అంతగా పట్టించుకోం. దీని వల్ల ఫుడ్ పార్టికల్స్ అందులో పడి గ్రీజు పేరుకుపోతుంది. మంట సరిగా రాదు. వేడి తగ్గుతుంది. అలా కాకుండా ఎప్పటికప్పుడు బర్నర్స్, అన్నింటిని కూడా క్లీన్ చేయండి.

చెక్ చేయడం

అదే విధంగా, కొన్నిసార్లు బర్నర్స్ పగిలినా, పాడైనా కూడా మంట ఎక్కువగా రాదు. అలాంటి సమస్య ఉందేమో మొత్తం చెక్ చేయండి. ఏమైనా సమసయ కనిపిస్తే వాటిని మార్చండి. దీంతో మంట ఎక్కువగా వస్తుంది.

వెంటిలేషన్

వంట చేసే ప్రాంతం కూడా మంచి వెంటిలేషన్‌తో ఉండాలి. అందుకే, గాలి, వెలుతురు సరిగా ఉండే ప్రాంతాన్ని ఎంచుకోండి. గాలి తాజాగా లేకపోతే మంట నాణ్యత తగ్గుతుంది. మంట ఎక్కువగా రాదు. తక్కువ వెంటిలేషన్ ఉంటే గ్యాస్ అందులోనే ఉంటుంది.

బర్నర్ ఫిట్

అదే విధంగా బర్నర్ క్యాప్స్ కూడా కొంతమంది సరిగా పెట్టరు. దీంతో కూడా మంట సరిగా రాదు. అటు ఇటుగా వస్తుంది. అలా కాకుండా బర్నర్ క్యాప్స్ సరిగా ఫిక్స్ చేసి ఉన్నాయా లేదా తెలుసుకోండి. ఒకవేళ సరిగా పెట్టిలేకపోతే సరిగా పెట్టండి. లేదంటే గ్యాస్ లీకేజ్ అవుతుంది. గ్యాస్ లీక్ అయినా సమస్యే. కాబట్టి, ఆ లీకేజ్ లేకుండా చూడండి. వాసన రావడం, హిస్ అనే సౌండ్స్ రావడాన్ని చెక్ చేయండి.

గ్యాస్ సరఫరా

గ్యాస్ సిలిండర్ వాడుతుంటే దానిని సరిగా కనెక్ట్ చేశారో లేదో చెక్ చేయండి.తక్కువ గ్యాస్ సప్లై అవుతుంటే మంట తక్కువగా వస్తుంది. అలా కాకుండా ఉండాలంటే గ్యాస్ సప్లై సరిగా ఉందో లేదో చెక్ చేయండి. అదే విధంగా, గ్యాస్ దగ్గర కాగితాలు, మండే వస్తువులు లేకుండా చూడండి. దీని వల్ల ప్రమాదాలు జరిగే అవకాశం ఉంది. వంట చేసిన తర్వాత, బర్నర్స్, గ్యాస్ సరఫరాని ఆపేయాలని నిర్ధారించుకోండి.

ప్రొఫెషనల్ సర్వీసింగ్

మీ గ్యాస్ స్టౌని సంవత్సరానికి ఓ సారైన ప్రొఫెషనల్‌తో సర్వీస్ చేయండి. అంతర్గత భాగాలు, లీక్స్, పనితీరు క్లీన్ చేస్తారు. దీంతో సమస్య ఏదైనా ఉన్నా కూడా వాళ్లు వెంటనే గుర్తించి సరిచేస్తారు. ఇలా చేయడం వల్ల ఎక్కువగా మంట రావడమే కాదు. మిగతా సమస్యలు ఏమైనా ఉన్నా దూరమవుతాయి.