దిశా సాలియన్ కేసు,,, ఆమె తండ్రే అసలు కారకుడు

 దివంగత నటుడు సుశాంత్ సింగ్ రాజ్‌పుత్ ఆత్మహత్యకు వారం రోజుల ముందే.. ఆయన మాజీ మేనేజర్ దిశా సాలియన్ అనుమానాస్పద స్థితిలో మృతి చెందిన విషయం అందరికీ తెలిసిందే. అయితే ఇటీవలే ఆమె తండ్రి సతీష్ సాలియన్ బాంబే హైకోర్టుకు వెళ్లి.. తన కుమార్తెపై హత్యాచారం జరిగిందని చెప్పారు. ఈ కేసును మరోసారి విచారించాలంటూ కోరారు. అయితే దీనిపై దర్యాప్తు చేసిన పోలీసులు తాజాగా షాకింగ్ కామెంట్లు చేశారు. దిశా సాలియన్ కావాలనే ఆత్మహత్య చేసుకున్నారని.. ముఖ్యంగా ఆమె చనిపోవడానికి నెల ముందు నుంచే తీవ్ర మానసిక ఒత్తిడికి గురయ్యారని పేర్కొన్నారు. అందుకు కారణం ఆమే తండ్రేనంటూ బాంబ్ పేల్చారు. ఆ పూర్తి వివరాలు మీకోసం.

బాలీవుడ్ నటుడు సుషాంత్ సింగ్ రాజ్‌పుత్ 2020 జూన్ 14వ తేదీన ఆత్మహత్య చేసుకుని ప్రాణాలు విడిచారు. ఈ ఘటన జరగడానికి వారం రోజుల ముందే ఈయన మాజీ మేనేజర్ దిశా సాలియన్ అనుమానాస్పద స్థితిలో ప్రాణాలు కోల్పోయారు. ముఖ్యంగా జూన్ 8వ తేదీన ముంబయిలోని తన భవనంపై నుంచి దూకి మరీ బలవన్మరణానికి పాల్పడ్డారు. వీరిద్దరూ వారం రోజుల వ్యవదిలోనే ప్రాణాలు కోల్పోవడంతో రాష్ట్ర వ్యాప్తంగా దుమారం రేగింది. కావాలనే ఎవరో వీరిద్దరినీ హత్య చేశారంటూ ఆరోపణలు వచ్చాయి.

అయితే దిశా సాలియన్ కేసులో మాత్రం ఆమె తండ్రి సతీష్ సాలియన్.. మృతి తర్వాత ఆమెను ఎవరూ హత్య చేయలేదని అన్నారు. ఆమెనే ఆత్మహత్యకు పాల్పడిందంటూ చెప్పుకొచ్చారు. కానీ ఆమె చనిపోయిన ఇన్నేళ్ల తర్వాత బాంబై హైకోర్టును ఆశ్రయించారు. అక్కడే తన కుమార్తెపై హత్యాచారం జరిగిందని.. మరోసారి దర్యాప్తుకు ఆదేశించాలంటూ న్యాయస్థానాన్ని వేడుకున్నారు. ముఖ్యంగా ఈ కేసులో శివసేన నేత ఆదిత్య ఠాక్రేపై కేసు నమోదు చేసి.. కస్టోడియన్ విచారణ చేయాలని కోరారు.

ఈక్రమంలోనే గతంలో దర్యాప్తు చేసిన ముంబయి పోలీసులు షాకింగ్ కామెంట్లు చేశారు. దిశా సాలియన్ ఆత్మహత్య చేసుకోవడానికి కొన్ని రోజుల ముందు నుంచే తీవ్ర మానసిక ఒత్తిడికి గురయ్యారని వివరించారు. ముఖ్యంగా ఆమె తండ్రి సతీష్ సాలియన్.. తన డబ్బును వృధాగా ఖర్చు చేస్తున్నాడని, ఏమీ అనలేక తనతో తానే మదను పడుతున్నట్లు ఆమె స్నేహితులకు చెప్పిందని వెల్లడించారు. అలాగే కొందరు ప్రియమిత్రులతో జరిగిన గొడవలు, ఆమె చేసిన కొన్ని ప్రాజెక్టులు విఫలం కావడంతో మరింత కుంగిపోయిన ఆమె ఆత్మహత్యకు పాల్పడిందని వెల్లడించారు. ఈ విషయం కాస్తా వెలుగులోకి రావడంతో.. ఆదిత్య ఠాక్రే కాదు ఆమె తండ్రి వల్లే దిశా సాలియన్ ఆత్మహత్య చేసుకుందా అంటూ నెటిజెన్లు ప్రశ్నిస్తున్నారు. చూడాలి మరి దిశా సాలియన్ తండ్రి అభ్యర్థన మేరకు మళ్లీ ఈ కేసును దర్యాప్తు చేస్తారా లేక ఆపేస్తారా అనేది.