నోటిఫికేషన్ జారీ ,,,అమల్లోకి వచ్చి వక్ఫ్ సవరణ చట్టం

దేశవ్యాప్తంగా తీవ్ర చర్చనీయాంశంగా మారిన వక్ఫ్ సవరణ బిల్లు 2025.. పార్లమెంటు, రాష్ట్రపతి ఆమోదం పొంది.. చట్టంగా మారగా.. తాజాగా దానికి సంబంధించి.. కేంద్ర ప్రభుత్వం తాజాగా గెజిట్ విడుదల చేసింది. దీంతో ఇటీవల పార్లమెంట్‌ ఆమోదం పొందిన వక్ఫ్‌ సవరణ చట్టం 2025 అమల్లోకి వచ్చింది. ఈ మేరకు కేంద్ర మైనారిటీ వ్యవహారాల మంత్రిత్వ శాఖ మంగళవారం ఒక నోటిఫికేషన్ జారీ చేసింది. నేటి (ఏప్రిల్‌ 8వ తేదీ) నుంచే ఈ చట్టం అమల్లోకి తీసుకువస్తున్నట్లు ఆ నోటిఫికేషన్‌‌లో కేంద్ర ప్రభుత్వం వెల్లడించింది. ఈ బిల్లు ఇటీవలె పార్లమెంట్‌ ఉభయ సభల నుంచి ఆమోదముద్ర వేసుకోగా.. ఆ తర్వాత రాష్ట్రపతి ద్రౌపది ముర్ము వద్దకు వెళ్లింది. ఈ వక్ఫ్ సవరణ బిల్లుకు రాష్ట్రపతి ఆమోద ముద్ర వేయడంతో చట్టంగా మారింది.

దీంతో వక్ఫ్‌ సవరణ బిల్లు చట్టంగా మారింది. ఈ నేపథ్యంలో నేటి నుంచే అమల్లోకి తీసుకొస్తున్నట్లు కేంద్ర ప్రభుత్వం గెజిట్‌ నోటిఫికేషన్‌ జారీ చేసింది. మరోవైపు కేంద్ర ప్రభుత్వం.. తీసుకువచ్చిన కొత్త వక్ఫ్‌ సవరణ చట్టం రాజ్యాంగానికి విరుద్ధం అని ముస్లిం సంఘాలు తీవ్ర ఆరోపణలు గుప్పిస్తున్నాయి. ఇక ఈ వక్ఫ్ సవరణ బిల్లు విపక్ష పార్టీల ఎంపీలు, ముస్లిం సంఘాల ప్రతినిధులు సుప్రీంకోర్టును ఆశ్రయించారు. మొత్తం 15 పిటిషన్లు దాఖలు కాగా.. వీటిపై సుప్రీంకోర్టు ఈ నెల 16వ తేదీన విచారణ చేపట్టనుంది. ఇక దీనిపై కేంద్ర ప్రభుత్వం కూడా సుప్రీంకోర్టులో కేవియట్‌ను దాఖలు చేసింది. కేంద్ర ప్రభుత్వం తరఫున అభిప్రాయాలు తెలుసుకోకుండా ఈ వక్ఫ్ సవరణ చట్టం 2025పై ఎలాంటి ఆదేశాలూ జారీ చేయవద్దని విజ్ఞప్తి చేసింది.

లోక్‌సభ, రాజ్యసభ ఆమోదం కల్పించిన వక్ఫ్ సవరణ బిల్లు 2025ను కేంద్రంలోని నరేంద్ర మోదీ ప్రభుత్వం.. ఏప్రిల్‌ 8వ తేదీన రాష్ట్రపతి ద్రౌపది ముర్ము వద్దకు పంపించగా.. ఆమో వెంటనే ఆమోదం కల్పించారు. పార్లమెంటు బడ్జెట్‌ సమావేశాల్లో భాగంగా వక్ఫ్ సవరణకు సంబంధించి రెండు బిల్లులకు రాష్ట్రపతి ఆమోదం తెలిపారని న్యాయ మంత్రిత్వ శాఖ నోటిఫికేషన్‌లో పేర్కొంది. లోక్‌సభలో సుదీర్ఘ చర్చ తర్వాత ఏప్రిల్ 3వ తేదీన వక్ఫ్ సవరణ బిల్లు-2025కు ఆమోదం తెలిపింది. లోక్‌సభలో 288 మంది ఎంపీలు అనుకూలంగా ఓటు వేయగా.. 232 మంది వ్యతిరేకంగా ఓటు వేశారు. ఆ తర్వాత ఏప్రిల్ 4వ తేదీన రాజ్యసభ బిల్లుకు అనుకూలంగా 128 ఓట్లు, వ్యతిరేకంగా 95 ఓట్లు వేశారు. దీంతో రెండు సభల్లోనూ ఈ బిల్లు ఆమోదం పొంది.. రాష్ట్రపతి వద్దకు చేరింది.