బంగ్లాదేశ్కు కేంద్రం గట్టి షాక్
international | Suryaa Desk | Published : Wed, Apr 09, 2025, 08:06 PM
బంగ్లాదేశ్కు కేంద్రం గట్టి షాక్ ఇచ్చింది. చైనాతో బంగ్లాదేశ్ సాన్నిహిత్యం పెంచుకుంటున్న నేపథ్యంలో ట్రాన్స్ షిప్మెంట్ సౌకర్యాన్ని రద్దు చేసింది. అయితే ఇటీవల బంగ్లాదేశ్ తాత్కాలిక ప్రభుత్వ అధిపతి మొహమ్మద్ యూనస్ బంగాళాఖాతానికి మేమే సంరక్షకులం అని అనడంతో ఈ నిర్ణయం తీసుకుంది. దీంతో రంగంలోకి దిగిన సెంట్రల్ బోర్డు ఆఫ్ ఇన్డైరెక్ట్ ట్యాక్సెస్ అండ్ కస్టమ్స్ బంగాళాఖాతంపై రవాణాను నిలిపివేయాలంటూ బంగ్లాదేశ్ను ఆదేశించింది.ఈ నేపథ్యంలో ఏప్రిల్ 8న.. 2020లో ఇచ్చిన ట్రాన్స్షిప్మెంట్ సదుపాయాన్ని రద్దు చేస్తూ సెంట్రల్ బోర్డ్ ఆఫ్ ఇన్డైరెక్ట్ ట్యాక్సెస్ అండ్ కస్టమ్స్ ఉత్తర్వులు ఇచ్చింది. ‘‘జూన్ 29, 2020 తేదీన ఇచ్చిన సర్క్యులర్ను తక్షణమే రద్దు చేశాం. భారత్లోకి ఇప్పటికే ప్రవేశించిన కార్గో రవాణాకు అనుమతి ఉంది’’ అని సర్క్యూలర్లో పేర్కొన్నారు. 2020 ఉత్తర్వుల ప్రకారం.. బంగ్లాదేశ్ తన ఎగుమతులను భారత్ మీదుగా నేపాల్, భూటాన్, మయన్మార్ వంటి దేశాలకు పంపుతుంది. తాజాగా ఈ అనుమతులు రద్దు చేస్తూ భారత్ నిర్ణయం తీసుకుంది. ఈ నిర్ణయం వల్ల భారత్కు మేలు చేకూరె అవకాశం ఉందని నిపుణులు చెబుతున్నారు. టెక్స్టైల్, పాదరక్షలు, రత్నాలు, ఆభరణాల ఎగుమతిదారులకు ప్రయోజనం చూకూరుతుందని అభిప్రాయపడుతున్నారు.
|
|