ఏపీలో కొత్తగా మరో బైపాస్.... డీపీఆర్‌ తయారీకి కసరత్తు

ఆంధ్రప్రదేశ్ ప్రభుత్వం మౌలిక వసతుల నిర్మాణంపై దృష్టి సారించింది. ఈ క్రమంలోనే కేంద్ర ప్రభుత్వం సహకారంతో రాష్ట్రంలో కొత్త రహదారుల నిర్మాణం, రోడ్ల విస్తరణ పనులు చేపడుతున్నారు. అలాగే ఆర్వోబీల నిర్మాణంపై ఫోకస్ పెట్టారు. అవసరమైన ప్రాంతాల్లో కొత్త బైపాస్‌ రోడ్లు నిర్మిస్తున్నారు. అలాగే కొత్త రైల్వే లైన్లు, డబ్లింగ్ పనులు కూడా జోరందుకున్నాయి. ఈ క్రమంలోనే ఒంగోలులో కొత్తగా బైపాస్ రోడ్డు నిర్మించనున్నారు. ప్రకాశం జిల్లా ఒంగోలులో రోజురోజుకూ ట్రాఫిక్ సమస్య పెరుగుతోంది. ఈ నేపథ్యంలో నగరంలో ట్రాఫిక్ సమస్యకు చెక్ పెట్టేందుకు ఒంగోలు వెస్ట్ బైపాస్ రోడ్డు నిర్మించాలని ప్రతిపాదనలు వస్తున్నాయి. ఈ ప్రాజెక్టుకు సంబందించిన సమగ్ర ప్రాజెక్టు నివేదిక (డీపీఆర్) తయారీకి కసరత్తు జరుగుతోంది.

ఒంగోలు పశ్చిమ బైపాస్ రోడ్డు ప్రతిపాదనలను కేంద్రం త్వరలోనే ఆమోదిస్తుందనే అంచనాతో రెండు ప్రతిపాదనలు సిద్ధం చేశారు. కోస్తాలా (మద్దిపాడు) నుచి టి.నందిపాళ్యం (టంగుటూరు) వరకూ బైపాస్ రోడ్డు నిర్మించాలని ఓ ప్రతిపాదన ఉంది. అలాగే తొరవగుంట సమీపంలోని చీరాల రోడ్డు నుంచి వయా లింగనగుంట, పేర్నమిట్ట, మంగమూరు, భగీరథ ఫ్యాక్టరీ మీదుగా బీఈడీ కాలేజీ సమీపంలోని జాతీయ రహదారిని అనుసంధానించేలా బైపాస్ నిర్మించాలనే ప్రతిపాదన కూడా ఉంది. ఒంగోలు వెస్ట్ బైపాస్ రోడ్డు గురించి స్థానిక ఎంపీ మాగుంట శ్రీనివాసులు కూడా ఈ మధ్య సమీక్ష నిర్వహించారు. జిల్లా కలెక్టర్, ఇతర అధికారులతో మాగుంట శ్రీనివాసులు రెడ్డి చర్చించారు.

ఒంగోలు వెస్ట్ బైపాస్ రోడ్డు నిర్మాణానికి సంబంధించిన డీపీఆర్ తయారీపై ప్రస్తుతం కసరత్తు జరుగుతోంది. డీపీఆర్ తయారైతే రాష్ట్ర ప్రభుత్వానికి సమర్పించనున్నారు. అనంతరం అక్కడి నుచి కేంద్ర ప్రభుత్వ ఆమోదం కోసం పంపిస్తారు. ఒంగోలు వెస్ట్ బైపాస్ రోడ్డు అందుబాటులోకి వస్తే నగరంలో ట్రాఫిక్‌ రద్దీని నియంత్రించడం సహా ప్రమాదాలు తగ్గుతాయని అధికారులు చెప్తున్నారు. అలాగే బైపాస్ అందుబాటులోకి వస్తే గ్రానైట్‌ రవాణా చేసే లారీలు, ఇతరత్రా వాహనాలను ఒంగోలు బయట నుంచి మళ్లించేలా ప్లాన్ చేస్తున్నట్లు చెప్పారు. భవిష్యత్ అవసరాలను దృష్టిలో పెట్టుకుని ఒంగోలు వెస్ట్ బైపాస్ రోడ్డు నిర్మాణానికి ప్రతిపాదనలు చేసినట్లు అధికారులు చెప్తున్నారు. మరోవైపు ఈ బైపాస్ రోడ్డుతో ట్రాఫిక్ సమస్యలు తీరడంతో పాటుగా బైపాస్ వెళ్లే ప్రాంతాల్లో