18 ఏళ్ల ఐపీఎల్ చరిత్రలో కింగ్ కోహ్లీ రేర్ ఫీట్

రాయల్ ఛాలెంజర్స్ బెంగళూరు మాజీ కెప్టెన్ విరాట్ కోహ్లీ ఐపీఎల్‌లో మరో రికార్డును తన ఖాతాలో వేసుకున్నాడు. 18 ఎడిషన్ ఐపీఎల్‌లో భాగంగా పంజాబ్ కింగ్స్‌తో మ్యాచులో కోహ్లీ.. 54 బంతుల్లో 73 రన్స్‌తో నాటౌట్‌గా నిలిచాడు. ఈ క్రమంలోనే ఓ అరుదైన రికార్డును తన ఖాతాలో వేసుకున్నాడు. ఐపీఎల్‌లో ఎవరికీ సాధ్యం కానీ మైలురాయిని చేరుకున్నాడు.

ఈ ఇన్నింగ్స్‌ ద్వారా విరాట్ కోహ్లీ ఐపీఎల్‌లో 67 సార్లు.. ఫిఫ్టీ ఆ పైచిలుకు స్కోరు సాధించాడు. ఈ ఫీట్ సాధించిన తొలి ప్లేయర్‌గా చరిత్ర సృష్టించాడు. ఈ క్రమంలోనే ఆస్ట్రేలియాకు చెందిన డేవిడ్ వార్నర్‌ను అధిగమించాడు. డేవిడ్ వార్నర్.. ఐపీఎల్‌లో 66 సార్లు 50+ స్కోర్లు సాధించాడు. తాజాగా ఛేజ్ మాస్టర్ ఈ రికార్డును బీట్ చేశాడు.

ఐపీఎల్‌లో అత్యధిక హాఫ్ సెంచరీలు చేసిన ప్లేయర్లు వీళ్లే..

విరాట్ కోహ్లీ- 67 హాఫ్ సెంచరీలు

డేవిడ్ వార్నర్ - 66 హాఫ్ సెంచరీలు

శిఖర్ ధావన్- 53 హాఫ్ సెంచరీలు

రోహిత్ శర్మ- 46 హాఫ్ సెంచరీలు

కేఎల్ రాహుల్- 43 హాఫ్ సెంచరీలు

ఏబీ డివిలియర్స్- 43 హాఫ్ సెంచరీలు

ఇక టీ20ల్లో అత్యధిక హాఫ్ సెంచరీలు చేసిన ప్లేయర్ల జాబితాలోనూ విరాట్ టాప్-2లో కొనసాగుతున్నాడు. అతడి ఖాతాలో 101 హాఫ్ సెంచరీలు ఉన్నాయి. ఈ జాబితాలో డేవిడ్ వార్నర్ 108 హాఫ్ సెంచరీలతో అగ్రస్థానంలో ఉన్నాడు.

టీ20ల్లో అత్యధిక హాఫ్ సెంచరీలు చేసిన ఆటగాళ్లు వీరే..

డేవిడ్ వార్నర్‌- 108

విరాట్ కోహ్లీ- 101

బాబర్ ఆజమ్- 90

క్రిస్ గేల్- 88

జోస్ బట్లర్- 87

ఇక మ్యాచ్ విషయానికి వస్తే పంజాబ్ కింగ్స్‌ను.. ఆర్సీబీ 7 వికెట్ల తేడాతో ఓడించింది. ఈ మ్యాచులో తొలుత బ్యాటింగ్ చేసిన పంజాబ్ కింగ్స్.. 157/6 పరుగులు చేసింది. ఆ తర్వాత ఆర్సీబీ.. 18.5 ఓవర్లలో మూడు వికెట్లు కోల్పోయి లక్ష్యాన్ని ఛేదించింది. దీంతో పాయింట్ల పట్టికలో మూడో స్థానానికి చేరుకుంది. పంజాబ్ కింగ్స్ నాలుగో ప్లేసుకు పడిపోయింది.