ముంబై పైకి ముంబై కుర్రాడ్నే అస్త్రంగా వదిలిన ధోనీ

ఇండియన్ ప్రీమియర్ లీగ్ 18వ ఎడిషన్‌లో మరో ఆటగాడు డెబ్యూ చేశాడు. శనివారం 14 ఏళ్ల వైభవ్ సూర్యవంశీ రాజస్థాన్ రాయల్స్ తరఫున అరంగేట్రం చేయగా.. తాజాగా ముంబై ఇండియన్స్, చెన్నై సూపర్ కింగ్స్‌ మ్యాచ్‌లోనూ ఓ ప్లేయర్‌ డెబ్యూ చేశాడు. సీఎస్కే తరఫున ముంబైకి చెందిన 17 ఏళ్ల ఆయుశ్ మాత్రే అరంగేట్రం చేశాడు. ఈ మేరకు రాహుల్ త్రిపాఠి స్థానంలో ఆయుశ్‌ను తుది జట్టులోకి తీసుకున్నట్లు టాస్ సందర్భంగా చెన్నై సూపర్ కింగ్స్ కెప్టెన్ మహేంద్ర సింగ్ ధోనీ వెల్లడించాడు.

కాగా 17 ఏళ్ల మాత్రేకు దేశవాళీ క్రికెట్‌లో ముంబై తరఫున మంచి రికార్డు ఉంది. అతడు 9 ఫస్ట్ క్లాస్ మ్యాచులలో 2 సెంచరీలు, ఒక హాఫ్ సెంచరీతో కలిపి 504 రన్స్‌ చేశాడు. ఇప్పటికే 7 లిస్ట్ ఏ మ్యాచ్‌లలో 2 సెంచరీలతో 458 పరుగులు చేశాడు. గత అక్టోబర్‌లో ఫస్ట్ క్లాస్ క్రికెట్‌లో అరంగేట్రం చేసిన 17 ఏళ్ల ప్లేయర్.. తాజాగా క్యాష్‌రిచ్‌ లీగ్ అయిన ఐపీఎల్‌లోనూ అడుగుపెట్టాడు. సీఎస్కే కెప్టెన్ రుతురాజ్ గైక్వాడ్ గాయంతో టోర్నీ మొత్తానికి దూరమైన విషయం తెలిసిందే. అతడి ప్లేసులో ఆయుశ్‌ను సీఎస్కే తీసుకుంది. జట్టులో చేరిన వెంటనే ఆడేందుకు అవకాశం కల్పించింది.

ఇక ముంబైలోని వాంఖడే వేదికగా జరుగుతున్న మ్యాచ్‌లో టాస్ గెలిచిన ముంబై ఇండియన్స్ కెప్టెన్ హార్దిక్ పాండ్యా.. బౌలింగ్ ఎంచుకున్నాడు. సేమ్ టీమ్‌తో బరిలోకి దిగినట్లు వెల్లడించాడు.

తుది జట్లు..

ముంబై ఇండియన్స్:

ర్యాన్ రికెల్టన్ (వికెట్‌ కీపర్‌), విల్ జాక్స్, సూర్యకుమార్ యాదవ్, తిలక్ వర్మ, హార్దిక్ పాండ్యా (కెప్టెన్‌), నమన్ ధీర్, మిచెల్ శాంట్నర్, దీపక్ చాహర్, ట్రెంట్ బౌల్ట్, జస్‌ప్రీత్‌ బుమ్రా, అశ్వనీ కుమార్

ఇంపాక్ట్ సబ్స్:

రోహిత్ శర్మ, కార్బిన్ బాష్, రాజ్ బావా, సత్యనారాయణ రాజు, రాబిన్ మింజ్

చెన్నై సూపర్ కింగ్స్:

షేక్ రషీద్, రచిన్ రవీంద్ర, ఆయుష్ మాత్రే, రవీంద్ర జడేజా, శివమ్ దూబే, విజయ్ శంకర్, జామీ ఓవర్‌టన్, ఎంఎస్‌ ధోనీ (కెప్టెన్‌/ వికెట్‌ కీపర్‌), నూర్ అహ్మద్, ఖలీల్ అహ్మద్, మతీశ పథిరన

ఇంపాక్ట్ సబ్‌లు:

అన్షుల్ కాంబోజ్, కమలేష్ నాగర్‌కోటి, రామకృష్ణ ఘోష్, సామ్ కర్రాన్, రవిచంద్రన్ అశ్విన్