చంపక్‌ రోబో కుక్కను ఆపరేట్‌ చేసి,,,ఆకాశ్ అంబానీని భయపెట్టిన హార్దిక్ పాండ్యా

ముంబై ఇండియన్స్ కెప్టెన్ హార్దిక్ పాండ్యా.. ఆ జట్టు ఓనర్ ఆకాశ్ అంబానీని భయపెట్టాడు. ఐపీఎల్ 2025 ద్వారా ఎంట్రీ ఇచ్చిన చంపక్ అనే రోబో డాగ్ ద్వారా ఆకాశ్‌ను బెదరగొట్టాడు. సీఎస్కేతో మ్యాచ్ తర్వాత చంపక్‌ను ఆపరేట్ చేసిన హార్దిక్.. దాన్ని ఆకాశ్ అంబానీ మీదకు వదిలాడు. దీనికి ఆకాశ్ భయపడగా.. హార్దిక్ మాత్రం గట్టిగా నవ్వుకున్నాడు. ఇందుకు సంబంధించిన వీడియో వైరల్‌గా మారింది.

హార్దిక్ పాండ్యా.. తను ఎక్కడున్నా.. చుట్టూ ఉన్నవారిని ఎంటర్‌టైన్ చేసేందుకు ప్రయత్నిస్తుంటాడు. ఆట విషయంలోనే కాకుండా.. ఆటేతర అంశాల్లోనూ అతడి వ్యవహార శైలి గమ్మత్తుగా ఉంటుంది. వికెట్ పడ్డా.. రన్స్ చేసినా.. అతడు చేసుకునే సంబురాలు వింతగా ఉంటాయి. ఇక ఐపీఎల్ 2025లో అతడి సారథ్యంలో ముంబై ఇండియన్స్ హ్యాట్రిక్ విజయాలు సాధించింది. దీంతో కెప్టెన్ పాండ్యా సంతోషంలో ఉన్నాడు.

తాజాగా పాండ్యాకు సంబంధించిన ఓ వీడియో నెట్టింట చక్కర్లు కొడుతోంది. అందులో ముంబై ఇండియన్స్ జట్టు యజమాని ఆకాశ్ అంబానీని హార్దిక్ భయపెట్టాడు. ఐపీఎల్‌ 2025లో కొత్తగా వచ్చిన రోబో కుక్కను చూసి.. అంబానీ బెదిరిపోయాడు. ఇందుకు సంబంధించిన వీడియో సోషల్ మీడియాలో వైరల్‌గా మారింది.

ఐపీఎల్ 2025లో నిర్వహకులు కొత్తంగా ఓ రోబో కుక్కను ప్రవేశపెట్టారు. అభిమానుల అభిప్రాయం మేరకు దానికి ‘చంపక్‌’గా నామకరణం చేశారు. ఢిల్లీ క్యాపిటల్స్‌- ముంబై ఇండియన్స్‌ మ్యాచ్‌ సందర్భంగా అరుణ్‌ జైట్లీ స్టేడియంలో ఏప్రిల్‌ 13న ఈ రోబో కుక్కను.. న్యూజిలాండ్‌ మాజీ క్రికెటర్‌, ప్రముఖ కామెంటేటర్‌ డానీ మోరిసన్‌ అభిమానులకు పరిచయం చేశాడు. ఆ తర్వాత ఈ కుక్క ప్రతి మ్యాచ్‌లోనూ కనిపిస్తోంది.

ఇక ఆదివారం వాంఖడేలో ముంబై ఇండియన్స్, చెన్నై సూపర్ కింగ్స్‌ జట్ల మధ్య జరిగిన మ్యాచ్‌లోనూ ఈ రోబో కుక్క కనిపించింది. ఈ రోబో కుక్కను రిమోట్‌తో ఆపరేట్‌ చేస్తారు. ఇక మ్యాచ్‌ తర్వాత ముంబై కెప్టెన్‌ హార్దిక్‌ పాండ్యా ‘చంపక్‌’ను కలిశాడు. ఈ సమయంలో ముంబై టీమ్ ఓనర్‌.. ఆకాశ్ అంబానీ కూడా హార్దిక్ పక్కనే ఉన్నాడు.

ఈ సమయంలో ఆ కుక్కను ఆపరేట్ చేస్తున్న హార్దిక్.. అంబానీ మీదకు కుక్కను వదిలాడు. ఇది చూసిన అంబానీ.. ఒక్కసారిగా హడలిపోయాడు. ఇది చూసిన హార్దిక్.. గట్టిగా నవ్వేశాడు. ఇందుకు సంబంధించిన వీడియో సోషల్ మీడియాలో వైరల్‌గా మారింది. ఇది చూసిన నెటిజన్లు అట్లుంటది.. హార్దిక్ తోని అని కామెంట్లు చేస్తున్నారు.