చెన్నై విద్యార్థినికి చేదు అనుభవం,,,నడ్డిరోడ్డుపై ఆటో డ్రైవర్ అత్యాచారయత్నం

దేశంలో మహిళలపై అఘాయిత్యాల కట్టడికి ఎన్ని కఠిన చట్టాలు వచ్చినా మృగాళ్లలో మార్పు రావడం లేదు. కొంచెం కూడా భయం లేకుండా.. నడిరోడ్డు మీద పట్టపగలు రెచ్చి పోతూ.. చిత్త కార్తె కుక్కుల్లాగా ప్రవర్తిస్తున్నారు కొందరు కామాంధులు. పసివాళ్లు, ముసలివాళ్లు, విదేశీయులు అనే తేడా లేకుండా.. కామంతో కళ్లు మూసుకుపోయి ప్రవర్తిస్తుంటారు. తాజాగా ఈ కోవకు చెందిన సంఘటన ఒకటి వెలుగు చూసింది. విదేశీ విద్యార్థిని ఒకరికి చేదు అనుభవం ఎదురయ్యింది. ఆటో డ్రైవర్ ఆమెను బెదిరించడమే కాక.. అత్యాచారం చేస్తానంటూ వార్నింగ్ కూడా ఇచ్చాడు. అది కూడా ఉదయం ఆరు గంటల ప్రాంతంలో.. నడి రోడ్డు మీద ఇలాంటి సంఘటన చోటు చేసుకోవడం గమనార్హం. తనకు ఎదురైన భయానక అనుభవం గురించి సదరు విద్యార్థిని తన ఇన్‌స్టాగ్రామ్‌లో పోస్ట్ చేసింది. చెన్నై సురక్షితమైన నగరం కాదని చెప్పుకొచ్చింది. ఆ వివరాలు..

ఈ సంఘటన తమిళనాడు తిరువాన్మియూర్ బీచ్ వద్ద నేడు శనివారం ఉదయం చోటు చేసుకుంది. ఎంతో ప్రసిద్ధి చెందిన ఈ ప్రాంతంలో.. ఉదయం పూట నడి రోడ్డు మీద ఓ ఆటోడ్రైవర్ విదేశీ విద్యార్థినితో అసభ్యకరంగా ప్రవర్తించాడు. అంతేకాక ఆమెని నానా తిట్లు తిడుతూ.. అత్యాచారం చేస్తానంటూ బెదిరించాడు. ఈ మొత్తం తతంగాన్ని వీడియో తీసి ఇన్‌స్టాలో పోస్ట్ చేయడంతో ఇప్పుడిది వైరల్ అవుతోంది.

సదరు విద్యార్థిని మాట్లాడుతూ.. ఇది ఫుల్ వీడియో కాదు.. ఈ సంఘటన చివర్లో తీసిన వీడియో.నేను విదేశీ విద్యార్థినిని. ఇక్కడ చదువుకుని.. కొత్త సంస్కృతిని నేర్చుకోవడం కోసం నన్ను ఇక్కడకు ఆహ్వానించారు. అంతేతప్ప నేను ఇక్కడకు అవమానాలు పొందడానికి, భయపడటానికి, నా జీవితాన్ని రోడ్డ మీద ముగించడానికి రాలేదు. కోసం రాలేదు. శనివారం ఉదయం నేను, నా స్నేహితురాలు తిరువాన్మియూర్ బీచ్ దగ్గర ఆటో ఎక్కడం కోసం వచ్చాము. ఉదయం సమయం కావడంతో.. మార్నింగ్ వాక్‌కి వచ్చిన వాళ్లతో ఆ ప్రదేశం రద్దీగా ఉంది. ఒక ఆటో అతడి దగ్గరికి వెళ్లి మేం వెళ్లాల్సిన ప్రదేశం గురించి అడిగి.. ఆటో అతడిని రమ్మని కోరాము. అయితే అతడి ఆటోకి కనీసం నంబర్ ప్లేట్ కూడా కాలేదు.

పైగా అతడు మాపట్ల చాలా నిర్లక్ష్యంగా వ్యవహరించాడు. అన్యాయాన్నిప్రశ్నించినందుకు గాను అతడు మమ్మల్ని రేప్ చేస్తానంటూ బెదిరించాడు. నా ఒంటి మీద బట్టలు చించుతానని భయపెట్టాడు. అంత అన్యాయం జరుగుతుంటే రోడ్డు మీద వెళ్తున్న వాళ్లు ఒక్కరు కూడా వచ్చి మాకు సాయం చేయలేదు. నేను చెన్నై వచ్చే ముందు ఈ నగరం గురించి చాలా గొప్పగా విన్నాను. కానీ ఇక్కడకు వచ్చాక నాకు అలా అనిపించలేదు. చెన్నై మహిళలకకు సురక్షితమైన నగరం కాదు. ఇది ఎలాంటి నగరం.. ఇక్కడ మహిళలకు అన్యాయం జరుగుతుంటే.. కళ్లు మూసుకుని వెళ్లిపోతారు.. కనీసం ఆటోలకు నంబర్ ప్లేట్ కూడా లేదు. మమ్మల్ని ఇక్కడకు ఆహ్వానించిన వాళ్లకు మా రక్షణ గురించి ఎలాంటి బాధ్యత లేదా.. నేను చాలా భయపడ్డాను.. నాకు చాలా కోపం వస్తుంది.. అంటూ తన ఆవేదనను వ్యక్తం చేసింది. సదరు ఆటో డ్రైవర్‌పై విమర్శలు చేస్తున్నారు నెటిజనులు.