విశాఖ మేయర్గా పీలా శ్రీనివాసరావు ఎన్నిక
Andhra Pradesh Telugu | Suryaa Desk | Published : Mon, Apr 28, 2025, 11:54 AM
విశాఖ మేయర్ పీఠం ఏకగ్రీవంగా ఎన్నికైంది. జీవీఎంసీ మేయర్గా పీలా శ్రీనివాసరావు ఎన్నికయ్యారు. ఆయన పేరును జనసేన ఎమ్మెల్యే వంశీకృష్ణ శ్రీనివాస్ ప్రతిపాదించగా.. బీజేపీ ఎమ్మెల్యే విష్ణుకుమార్ రాజు బలపరిచారు. మిగతా సభ్యులంతా మద్దతు ఇవ్వడంతో పీలా శ్రీనివాసరావు గెలిచారు. కాసేపట్లో గుంటూరు మేయర్ ఫలితాలు వెలువడనున్నాయి.జీవీఎంసీ కౌన్సిల్ సమావేశం సోమవారం ఉదయం ప్రారంభమైంది. కూటమి టీడీపీ అభ్యర్థిగా పీలా శ్రీనివాసరావును జనసేన, బీజేపీ, కూటమి కార్పొరేటర్లు బలపరిచారు. పోటీలో ఇంకెవరూ లేనందున మేయర్గా పీలా శ్రీనివాసరావు ఎన్నికైనట్లు ఎన్నికల అధికారి, జాయింట్ కలెక్టర్ మయూరి అశోక్ ప్రకటించారు. పీలా శ్రీనివాసరావు మేయర్గా ఎన్నికైనట్లు ఎన్నిక ధృవపత్రాన్ని జాయింట్ కలెక్టర్ అందజేశారు. ఆపై విశాఖ నూతన మేయర్గా పీలా శ్రీనివాసరావుతో ఎన్నికల అధికారి మయూరి అశోక్ ప్రమాణ స్వీకారం చేయించారు. దీంతో విశాఖ నూతన మేయర్గా కూటమి టీడీపీ అభ్యర్థి పీలా శ్రీనివాసరావు బాధ్యతలు చేపట్టారు.
|
|