ఈ లడ్డూ తినడం వలన కీళ్ల నొప్పులు

ప్రొటీన్ లడ్డు అనేది శరీరానికి అవసరమైన ప్రోటీన్లను అందించే ఒక ఆరోగ్యకరమైన లడ్డు. ఇది ముఖ్యంగా పిల్లల ఎదుగుదల, ఎముకల బలం, కండరాల దృఢత్వం మరియు రోగనిరోధక శక్తిని పెంచడానికి ఉపయోగపడుతుంది.ఈరోజు ఎన్నో పోషకాలు ఉన్న లడ్డు తయారు చేసుకుంటున్నాం ఈ లడ్డూ తినడం వలన కీళ్ల నొప్పులు ఎముకల నొప్పులు కాల్షియం లోపం నిద్రలేమి వంటి అనేక రకాల సమస్యలు తొలగిపోతాయి ఈ లడ్డు ఎలా తయారు చేసుకోవాలి ఏ ఇంగ్రిడియంట్స్ ఉపయోగించాలి వంటి విషయాలను తెలుసుకుందాం.ఈ లడ్డు తింటే మోకాళ్ళ నొప్పులు,కీళ్ల నొప్పులు, నడుము నొప్పి, రక్తహీనత వంటి సమస్యలు అసలు ఉండవు. ప్రతి రోజు ఒక లడ్డు తింటే సరిపోతుంది. ఈ లడ్డును అన్ని వయస్సుల వారు తినవచ్చు. నీరసం,అలసట లేకుండా చేస్తుంది. ఒకసారి చేసుకుంటే 15 రోజుల వరకు నిల్వ ఉంటాయి.పాన్ లో ఒక కప్పు పుల్ మఖానా వేసి డ్రై రోస్ట్ చేసుకొని పక్కన పెట్టుకోవాలి. అలాగే అరకప్పు ఒట్స్ వేగించి పక్కన పెట్టుకోవాలి. ఆ తర్వాత రెండు స్పూన్ల గసగసాలు కూడా వేగించి పక్కన పెట్టుకోవాలి. రెండు స్పూన్ల ఆవిసే గింజలను వేగించి పక్కన పెట్టుకోవాలి. ఆ తర్వాత 10 బాదం పప్పులను వేగించి పక్కన పెట్టుకోవాలి.

ఒక కప్పు ఖర్జూరంను గింజలు తీసేసి ముక్కలుగా కట్ చేసి గిన్నెలో వేసి నీటిని పోసి నానబెట్టాలి. మిక్సీ జార్ లో వేగించి పెట్టుకున్న పుల్ మఖానా, ఒట్స్, ఆవిసే గింజలు,బాదం పప్పులను వేసి మెత్తని పొడిగా చేసిపక్కన పెట్టుకోవాలి. ఆ తర్వాత నానబెట్టిన ఖర్జూరంను మెత్తని పేస్ట్ గా చేయాలి.ఒక పాన్ లో ఖర్జూరం పేస్ట్ వేసి దానిలో అరగ్లాసు నీటిని పోసి 2 నిమిషాలు ఉడికించి దానిలో తయారుచేసి పెట్టుకున్న పొడి, ఒక స్పూన్ గసగసాలు వేసి కలపాలి. ఈ మిశ్రమంలో 2 స్పూన్ల నెయ్యి వేసి బాల్స్ గా చుట్టుకొని మిగిలిన గసగసాలలో దొర్లించాలి. రోజుకి ఒక లడ్డు తింటే పైన చెప్పిన అన్నీ రకాల సమస్యలు తొలగిపోతాయి.