గాజాను పూర్తిగా స్వాధీనం చేసుకునే దిశగా ఇజ్రాయెల్

గాజాను పూర్తిగా స్వాధీనం చేసుకుని, నిర్ధిష్ట కాలం పాటు అక్కేడ ఉండేలా ఇజ్రాయెల్ ఓ ప్రణాళికను సిద్ధం చేసినట్లు ఆ దేశ భద్రతా మంత్రివర్గం వెల్లడించింది. గాజాకు చెందిన ఉగ్రవాద సంస్థ హమాస్ నుంచి బందీలను విడుదల చేయడానికి, అలాగే ఇజ్రాయెల్ నిబంధనలు మేరకు కాల్పుల విరమణపై చర్యలు జరిపేలా ఒత్తిడి తీసుకు రావడంలో భాగంగానే ఈ ప్లాన్ వేసినట్లు వివరించింది. అయితే ఈ ప్రణాళిక ప్రకారం లక్షలాది మంది పాలస్తీనియన్లను దక్షిణ గాజాకు తరలిస్తున్నట్లు కూడా స్పష్టం చేసింది. ఆ పూర్తి వివరాలు మీకోసం.

ఇజ్రాయెల్ సైనిక చీఫ్ ఆఫ్ స్టాఫ్, లెఫ్టినెంట్ జనరల్ ఇయాల్ జమీర్ ఆదివారం రోజు మాట్లాడుతూ.. 10 వేల మంది సైన్యాన్ని గాజాకు తీసుకువెళ్తున్నామని వివరించారు. వీరంతా అక్కడి ఉగ్రవాద మౌలిక సదుపాయాలపై దాడి చేస్తారని స్పష్టం చేశారు. ఇజ్రాయెల్ ఇప్పిటికే గాజాలోని సగం భూభాగాన్ని స్వాధీనం చేసుకుని నియంత్రిస్తోంది. ఇందులో ఇజ్రాయెల్ సరిహద్దులో ఒక బఫర్ జోన్ అలాగే స్ట్రిప్ వెంట తూర్పు-పడమర వైపున ఉన్న మూడు కారిడార్లు ఉన్నాయి.

ఇప్పటికే సగం గాజా హస్తగతం..

కొన్ని వారాలుగా తీవ్రవాద హమాస్ గ్రూపుపై ఒత్తిడి తీసుకు వచ్చేందుకు ఇజ్రాయెల్ అనేక ప్రయత్నాలు చేస్తోంది. మార్చి ప్రారంభంలో గాజాకు సహాయం అందకుండా చేసింది. ఇప్పటికీ దానిని కొనసాగిస్తూనే వస్తోంది. తాజాగా మరో కొత్త ప్రణాళికకు ఇజ్రాయెల్ ఆమోదం తెలిపింది. ఇజ్రాయెల్ సైన్యం లక్షలాది రిజర్వ్ సైనికులను మోహరించి, లక్షలాది పాలస్తీనియన్లను గాజా దక్షిణ భాగానికి తరలించేందుకు ప్రణాళికలు రచించింది. ఇప్పటికే సగం గాజాను హస్తగతం చేసుకున్న ఇజ్రాయెల్, గాజాకు ఏ సహాయం అందకుండా అడ్డుకుంటోంది. దాని వల్ల గాజాలో నిత్యావసరాల కొరత తీవ్రంగా వేధిస్తోంది. దీని వల్ల దోపిడీలు పెరిగిపోయాయి.

అయితే గాజాలో హమాస్ చేస్తున్న సహాయ పంపిణీ వల్ల వారి అధికారం బలోపేతం అవుతుందని భావిస్తున్న ఇజ్రాయెల్.. దానిని పూర్తిగా అడ్డుకునేలా ఈ కొత్త ప్లాన్ సిద్ధం చేసినట్లు తెలుస్తోంది. అయితే ఇజ్రాయెల్ చేస్తున్న చర్యలను ఐక్యరాజ్య సమితి ఖండించింది. ఇది సైనికి ఒత్తిడి పద్ధతి అంటూ విమర్శించింది. మరోవైపు గాజాలోని హమాస్ శిబిరాలపై ఇజ్రామెయ్ల వైమానికి దాడులు కొనసాగుతున్నాయి. ప్రాణనష్టం గణనీయంగా ఉంటోంది.