మోకాళ్లపై కూర్చొని ఇటలీ ప్రధాని మెలోనికి స్వాగతం చెప్పిన అల్బేనియా ప్రధాని
international | Suryaa Desk | Published : Sat, May 17, 2025, 08:05 PM
అల్బేనియా ప్రధాని ఎడీ రామా ఓ స్టంట్ క్రియేట్ చేశారు. ఇటలీ ప్రధాని జార్జియా మెలోనీకి రెడ్ కార్పెట్పై విభన్న రీతిలో స్వాగతం పలికారు. ఇండియన్ స్టైల్లో ఆమెకి వెల్కమ్ చెప్పారు. అల్బేనియాలోని తిరనాలో జరుగుతున్న యురోపియన్ దేశాల సమావేశంలో ఈ ఘటన చోటుచేసుకుంది. మెలోనీ రెడ్ కార్పెట్పై నడిచి వస్తున్న సమయంలో చిన్నగా వర్షం పడసాగింది. ఆమెకి స్వాగతం పలకడం కోసం రామా.. చేతిలో గొడుతో ఎదురెళ్లారు. ఆ తర్వాత ఆయన అకస్మాత్తుగా గొడుగును పక్కన పడేసి.. మోకాళ్లపై కూర్చుని.. రెండు చేతులు జోడించి.. మెలోనీకి నమస్తే చెప్పారు. దీనికి సంబంధించిన వీడియో ప్రస్తుతం సోషల్ మీడియాలో తెగ వైరల్ అవుతోంది. రామా ఇలా చేయడం ఇదే ప్రథమం కాదు. గతంలో అబుదాబిలో జరిగిన ఓ సమావేశం సమయంలోనూ మెలోనీ ముందు మోకాళ్లపై కూర్చుని దండం పెట్టారు. అల్బేనియా, ఇటలీ ప్రధానుల మధ్య మంచి అనుబంధం ఉన్నట్లు ఈ వీడియోలు చూస్తే తెలుస్తోంది.
|
|