ట్రెండింగ్
నేడు తిరువూరులో జరగనున్న నగర పంచాయతీ చైర్మన్ ఎన్నిక
Andhra Pradesh Telugu | Suryaa Desk | Published : Mon, May 19, 2025, 12:50 PM
ఎన్టీఆర్ జిల్లాలోని తిరువూరు నగర పంచాయతీ చైర్మన్ ఎన్నిక ఉత్కంఠకు సోమవారం తెరపడనుంది. ఈ రోజు 11.00 గంటలకు తిరువూరు నగర పంచాయతీ చైర్మన్ ఎన్నికకు రంగం సిద్ధమైంది. స్థానిక మీటింగ్ హాల్లో అందుకు సంబంధించి అన్ని ఏర్పాట్లను మున్సిపల్ అధికారులు ఇప్పటికే పూర్తి చేశారు. ఈ ఎన్నికల అధికారిగా తిరువూరు ఆర్డీవో కె. మాధురిని ఎన్నికల కమిషన్ ఇప్పటికే నియమించింది. ఏప్రిల్ 3వ తేదీన వైసీపీ చైర్ పర్సన్ గత్తం కస్తూరి బాయ్ తన పదవికి రాజీనామా చేశారు. దీంతో ఈ ఖాళీ ఏర్పడింది.వైసీపీ కౌన్సిలర్లు కొందరు టీడీపీకి మద్దతు ఇస్తే.. చైర్మన్ పీఠం టీడీపీకి దక్కే అవకాశముంది. వైసీపీ సభ్యులు ఇప్పటికే టీడీపీ నేతలతో టచ్లోకి వెళ్లినట్లు సమాచారం. ఇక నగర పంచాయతీ చైర్మన్ ఎన్నిక సందర్బంగా ఎటువంటి ఘటనలు జరగకుండా పోలీసులు పూర్తి బందోబస్త్ ఏర్పాట్లు చేశారు.
|
|