గుండె సమస్యలకి,,,,, కొన్ని జాగ్రత్తలు

స్టేజ్‌పై మాట్లాడుతూ హార్ట్ ఎటాక్‌ వచ్చి పడిపోవడం, క్రికెట్ ఆడుతూ గుండె సమస్యతో కుప్పకూలిపోవడం, పెళ్లి వేడుకల్లో పాల్గొని గుండె ఆగిపోవడం రోజూ ఇలాంటి వార్తలను చూస్తూనే ఉన్నాం. ఎంత జాగ్రత్తగా ఉన్నా గుండె సమస్యలు పెరుగుతూనే ఉన్నాయి. గుండెని మన బాడీలో ముఖ్య అవయవం. దీన్ని ఎంత జాగ్రత్తగా చూసుకుంటే అంత మంచిది. గుండెని ఆరోగ్యంగా ఉంచుకోవడమంటే శరీరాన్ని ఆరోగ్యంగా ఉంచుకోవడమేనని చెబుతున్నారు  దీని కోసం గుండె ఆరోగ్యాన్ని మెరుగ్గా చేసి గుండె సమస్యల్ని దూరం చేసే కొన్ని టిప్స్ గురించి తెలుసుకోండి.

హైబీపి

గుండె సమస్యలు రావడానికి ముఖ్య కారణాల్లో ఒకటి హై బీపి. ఇది గుండె ధమనుల్ని గట్టిపడేలా చేస్తుంది. ఇది మీ గుండె ద్వారా రక్తాన్ని పంప్ చేయడాన్ని కష్టతరం చేస్తుంది. కాబట్టి, ఎప్పటికప్పుడు మీ బీపిని చెక్ చేసుకోవాలి. బీపిని కంట్రోల్‌లోనే ఉంచుకోవాలి. ​

గుండె సమస్యల్ని దూరం చేసే టిప్స్

వర్కౌట్

వర్కౌట్ అనేది చాలా ముఖ్యం. దీని వల్ల చాలా అనారోగ్య సమస్యల్ని దూరం చేసుకోవచ్చు. వర్కౌట్ చేయడం వల్ల గుండె సమస్యల్నే కాదు, ఎన్నో ఆరోగ్య సమస్యలకి చెక్ పెట్టొచ్చు. వారంలో కనీసం 5 రోజులైనా 30 నుంచి 40 నిమిషాలైనా కొద్దిపాటి వర్కౌట్ చేయండి. ఎరోబిక్స్, స్ట్రెంథ్ ట్రైనింగ్ చేయడం వల్ల గుండె ఆరోగ్యాన్ని కాపాడుకోవచ్చు.

ఫుడ్

బీపిని కంట్రోల్ చేయడం, గుండె ఆరోగ్యాన్ని కాపాడడంలో పోషకాహారం చాలా ముఖ్యం. అందుకోసమే మంచి ఫుడ్ తీసుకోవాలి. ఆకుకూరలు, పండ్లు, నట్స్, లెగ్యూమ్స్‌ వంటి ఫుడ్స్ తీసుకోండి. ఇవన్నీ ఆరోగ్యానికి మంచివి. కేవలం గుండె ఆరోగ్యానికి మాత్రమే కాదు, బరువు తగ్గి చాలా ఆరోగ్య సమస్యల్ని దూరం చేయడానికి ఈ డైట్ చాలా మంచిది.

సిగరెట్స్‌కి దూరంగా

సిగరెట్స్ తాగితే క్యాన్సర్ మాత్రమే రాదు. గుండె సమస్యలు కూడా వస్తాయి. గుండె ఆరోగ్యాన్ని దూరం చేసే అలవాట్లలో సిగరెట్ కూడా ఒకటి. ఇది ఏదో స్ట్రెస్‌ని తగ్గించుకోవడానికి, టైమ్‌పాస్‌కి తాగే వారు వెంటనే ఆ అలవాటుని దూరం చేసుకోండి. దీనిని మానలేకపోతే వెంటనే డాక్టర్‌ని కలిసి సలహా తీసుకోండి. మీకు హై కొలెస్ట్రాల్, హైబీపి వంటి సమస్యలు ఉంటే వారు ఎలాంటి జాగ్రత్తలు తీసుకోవాలో కూడా చెబుతారు. వీటిని ఫాలో అవ్వడం వల్ల కేవలం గుండె మాత్రమే కాదు, మొత్తం ఆరోగ్యం కూడా బాగుంటుంది.