న్యూయార్క్‌లోని వాల్‌స్ట్రీట్‌లో ఘనంగా భారతీయ వివాహ ఊరేగింపు

అమెరికా ఆర్థిక కార్యకలాపాలకు కేంద్రమైన న్యూయార్క్‌లోని వాల్‌స్ట్రీట్ సరికొత్త సందడితో నిండిపోయింది. ఒక అంగరంగ వైభవమైన భారతీయ వివాహ ఊరేగింపు ఆ ప్రాంతాన్ని దేశీ వేడుకలమయం చేసింది. ఇందుకు సంబంధించిన దృశ్యాలు ప్రస్తుతం అంతర్జాలంలో వైరల్‌గా మారాయి.లోయర్ మాన్‌హట్టన్‌లోని వీధుల్లో దాదాపు 400 మంది సంప్రదాయ భారతీయ వస్త్రధారణలో డీజే సంగీతానికి అనుగుణంగా ఉత్సాహంగా నృత్యాలు చేస్తూ కనిపించారు. ఈ పెళ్లి బృందం న్యూయార్క్ ఆర్థిక జిల్లా నడిబొడ్డున అచ్చమైన భారతీయ వివాహ వాతావరణాన్ని సృష్టించింది. ఎరుపు రంగు లెహంగాలో వధువు, లేత గోధుమరంగు షేర్వాణీలో వరుడు ఈ సందడికి మధ్యమణిగా నిలిచారు. చుట్టూ ఆకాశహర్మ్యాలు, న్యూయార్క్ స్టాక్ ఎక్స్ఛేంజ్ భవనం ఈ అద్భుత దృశ్యానికి మరింత వన్నె తెచ్చాయి.ఈ కార్యక్రమంలో ప్రదర్శన ఇచ్చిన డీజే ఏజే తన ఇన్‌స్టాగ్రామ్‌లో ఈ వీడియోను పంచుకుంటూ, "మేం 400 మందితో వాల్‌స్ట్రీట్‌ను నిలిపివేశాం - ఇలా జరుగుతుందని ఎవరైనా ఊహించారా ఇది జీవితంలో ఒక్కసారే జరిగే అద్భుతం" అని రాసుకొచ్చారు.ప్రస్తుతం వైరల్ అవుతున్న ఈ క్లిప్‌పై నెటిజన్లు విపరీతంగా స్పందిస్తున్నారు. ఒక ఇన్‌స్టాగ్రామ్ యూజర్, "అతను ప్లే చేసే ప్రతి పార్టీలోనూ అడ్డంకులను అధిగమించడమే కాకుండా, ఇప్పుడు వాల్‌స్ట్రీట్‌ను డ్యాన్స్ ఫ్లోర్‌గా మార్చేశాడుఅని వ్యాఖ్యానించారు.మరో యూజర్, "నిజంగా అద్భుతం450 మందికి పైగా అతిథులు అంతులేని బారాత్మీ రు కూడా దీన్ని ప్లాన్ చేయడం చాలా ఆనందంగా ఉంది" అని రాశారు."ఎంపైర్ స్టేట్ ఆఫ్ మైండ్ పాటకు ధోల్ వెర్షన్ వింటానని ఎప్పుడూ అనుకోలేదు, ఇది చాలా వైల్డ్" అని మూడో యూజర్ కామెంట్ చేశారు. మరికొందరు "వావ్," "ఇన్‌సేన్" అంటూ తమ ఆశ్చర్యాన్ని వ్యక్తం చేశారు. ఈ వేడుక భారతీయ సంస్కృతి వైభవాన్ని అంతర్జాతీయ వేదికపై చాటిచెప్పిందని పలువురు అభిప్రాయపడుతున్నారు.