పుట్టపర్తిలో విదేశీయుడు అనుమానాస్పద మృతి
Crime | Suryaa Desk | Published : Tue, Jun 03, 2025, 08:08 PM
శ్రీసత్యసాయి జిల్లాలో విదేశీయుడు అనుమానాస్పద మృతి కలకలం రేపింది. డేవిడోవిచ్ది ఈస్ట్ యూరప్లోని బెలారస్ కాగా.. మూడు నెలలు కిందట విజిటింగ్ (పర్యాటక) వీసాపై భారత్కు చేరుకుని శ్రీసత్యసాయి జిల్లా పుట్టపర్తి వచ్చాడు. స్థానికంగా ఉన్న గోపురం మూడో క్రాస్ సమీపంలోని ప్రియాంక అపార్ట్మెంట్ ఐదో ఫ్లోర్లో నివాసం ఉంటున్నాడు. డేవిడోవిచ్ కొన్ని సినిమాల్లో క్యారెక్టర్ ఆర్టిస్ట్గా నటించాడు.. పుట్టపర్తితో పాటు హైదరాబాద్, చెన్నైలో కూడా నివాసం ఉన్నాడు. గతవారం పుట్టపర్తిలో ఉన్న డేవిడోవిచ్.. ఆదివారం రాత్రి మద్యం మత్తులో కనిపించాడు.
పిల్లల్లో పెరుగుతున్న ఊబకాయం సమస్య, మీ చిన్నారులు అధిక బరువు బారిన పడకుండా ఉండాలంటే ఏం చేయాలో తెలుసా?
డేవిడోవిచ్ ఆదివారం రాత్రి 11.30 గంటల సమయంలో తన మొబైల్ కనిపించడం లేదని స్థానికంగా పోలీసుస్టేషన్కు వెళ్లాడు. ఆయన మద్యం మత్తులో ఉండటంతో.. సోమవారం ఉదయం ఫిర్యాదును పరిశీలిస్తామని పోలీసులు చెప్పారు. దీంతో పోలీస్ స్టేషన్ నుంచి బయల్దేరి తిరిగి తన గదికి వచ్చాడు. అయితే ఏం జరిగిందో ఏమో సోమవారం ఉదయం ఆయన నివాసం ఉంటున్న భవనం చనిపోయి ఉన్నాడు.. ఈ విషయాన్ని గమనించిన స్థానికులు పోలీసులకు సమాచారం అందించారు. ఈ ఘటనపై అనుమానాస్పద మరణం కింద కేసు నమోదు చేసి దర్యాప్తు చేస్తున్నారు. డేవిడోవిచ్ ఆదివారం రాత్రి మద్యం మత్తులో ఐదో అంతస్తు నుంచి ప్రమాదవశాత్తు పడి ప్రాణాలు కోల్పోయాడా?.. ఎవరైనా అతడ్ని పై నుంచి కిందకు తోసేశారా?.. అతడ్ని చంపి అక్కడ పడేశారా అనే కోణంలో పోలీసులు దర్యాప్తు చేస్తున్నారు.
|
|