ట్రెండింగ్
బీజేపీ ఆరోపణలను ఖండించిన కాంగ్రెస్ నేత
national | Suryaa Desk | Published : Tue, Jun 24, 2025, 06:19 PM
రాహుల్ గాంధీపై అమిత్ మాలవీయ చేసిన విమర్శలపై కాంగ్రెస్ పార్టీ తీవ్రంగా స్పందించింది. కాంగ్రెస్ అధికార ప్రతినిధి పవన్ ఖేరా, బీజేపీ ఆరోపణలను ఖండిస్తూ ప్రధానమంత్రి కార్యాలయం (పీఎంఓ)పై ఎదురుదాడికి దిగారు. "ప్రధానమంత్రి కార్యాలయం ఎప్పటిలాగే తన నీచమైన కుయుక్తులకు పాల్పడుతోంది. వారికి అంతకు మించి ఏమీ తెలియదు" అని పవన్ ఖేరా ఎక్స్ వేదికగా మండిపడ్డారు. "రాహుల్ గాంధీ తన మేనకోడలి గ్రాడ్యుయేషన్ కార్యక్రమానికి హాజరయ్యేందుకు లండన్ వెళ్లారు. త్వరలోనే ఆయన తిరిగి వస్తారు" అని ఖేరా స్పష్టం చేశారు. ప్రియాంక గాంధీ వాద్రా, రాబర్ట్ వాద్రాల కుమార్తె మిరాయా వాద్రా యూకేలో తన గ్రాడ్యుయేషన్ పూర్తి చేసుకున్న సందర్భంగా ఈ కార్యక్రమం జరుగుతోందని తెలిసింది. రాహుల్ గాంధీ న్యూఢిల్లీ నుంచి బహ్రెయిన్ మీదుగా లండన్ వెళ్లినట్లు కాంగ్రెస్ వర్గాలు కూడా ధృవీకరించాయి.
|
|