బాడీలోని కొలెస్ట్రాల్ మొత్తాన్ని కరిగించే గింజలు
Health beauty | Suryaa Desk | Published : Tue, Jun 24, 2025, 11:55 PM
ఎన్ని జాగ్రత్తలు తీసుకుని మరెంతగా హెల్దీగా తిన్నా కూడా బాడీలో సమస్యలు పెరుగుతూనే ఉన్నాయి. ముఖ్యంగా గుండె సంబంధిత సమస్యలు కామన్ అయ్యాయి. దీనికి కొలెస్ట్రాల్ కారణం. చెడు కొలెస్ట్రాల్ పెరగడానికి కూడా మన లైఫ్‌స్టైల్ దగ్గర్నుంచీ తినే ఆహారం, తాగే డ్రింక్స్ వరకూ ఎన్నో కారణాలుగా మారాయి. వీటి వల్ల చాలా వరకూ బాడీలో కొలెస్ట్రాల్ పెరిగి ఇతర ఆరోగ్య సమస్యలొస్తున్నాయి. వీటన్నింటికీ చెక్ పెట్టి ఆరోగ్యంగా జీవించాలంటే మనం కొన్ని ఫుడ్స్ తీసుకోవాలి. ముఖ్యంగా కొలెస్ట్రాల్‌ని కరిగించాలంటే ఓ ఫ్రూట్ హెల్ప్ చేస్తుందని చెబుతున్నారు న్యూట్రిషనిస్ట్ దీప్శిఖా జైన్. పూర్తి వివరాలు తెలుసుకోండి.
కొలెస్ట్రాల్ కరిగేందుకు
కొలెస్ట్రాల్ కరిగి ఆరోగ్యంగా ఉండేందుకు సరైన ఆహారం తీసుకోవాలి. ఎప్పటికప్పుడు డైట్‌లో మార్పులు చేయాలి. ముఖ్యంగా పోషకాహారం తీసుకోవాలని చెబుతున్నారు న్యూట్రిషనిస్ట్ దీప్శిఖా జైన్. ఈమె తన ఇన్‌‌‌స్టాగ్రామ్ అకౌంట్‌లో ఓ వీడియోని షేర్ చేశారు. వీడియోలో దానిమ్మ తినడం వల్ల కొలెస్ట్రాల్‌ని చాలా వరకూ తగ్గించొచ్చని చెబుతున్నారు. ఇప్పటికే కొలెస్ట్రాల్ సమస్య ఉంటే దానిమ్మని తింటే సిరల నుండి పూర్తిగా కొలెస్ట్రాల్‌ని కరిగించొచ్చు.
దానిమ్మలోని గుణాలు
దానిమ్మలో పాలీఫెనాల్స్, ఎలాజిక్ యాసిడ్ వంటి యాంటీ ఆక్సిడెంట్స్ పుష్కలంగా ఉన్నాయి. ఇవి బాడీలోని చెడు కొలెస్ట్రాల్ అంటే LDL ఆక్సీకరణని నిరోధిస్తాయి. వాస్తవానికి, LDL ఆక్సీకరణం చెంది క్రమంగా ధమనుల్లో పేరుకుపోయి ఫేక్ రూపంగా మారతాయి. దీంతో ధమనులు మూసుకుపోతాయి. ఈ కారణంగానే గుండెపోటు, స్ట్రోక్ వంటి సమస్యలొస్తాయి. దానిమ్మ తినడం వల్ల సిరలు శుభ్రంగా మారతాయి.
పరిశోధనల్లో తేలిందేంటంటే
దీప్శిఖా జైన్ మాత్రమే కాకుండా అనేక పరిశోధన నివేదికలు కూడా దానిమ్మ కొలెస్ట్రాల్ సమస్యని ఎఫెక్టివ్‌గా తగ్గించాయని చూపిస్తున్నాయి. దానిమ్మని రెగ్యులర్‌గా తీసుకుంటే గుండె జబ్బులు రాకుండా ఉంటాయి. ఇది గుండెపై ఒత్తిడిని తగ్గించి కొలెస్ట్రాల్‌ని బ్యాలెన్స్ చేస్తాయి.
ఎలా తినాలి?
దీనికోసం ఉదయం దానిమ్మపండు తినాలి. ఉదయాన్నే దానిమ్మ గింజల్ని తినండి. జ్యూస్‌ బదులు తాగండి. జ్యూస్‌లో ఎక్కువగా షుగర్ ఉంటుంది. వీటి వల్ల లాభాల కంటే నష్టాలే ఎక్కువగా ఉంటాయి. అయితే, దానిమ్మ గింజలు తింటే ఏయే లాభాలు ఉన్నాయంటే..
గట్ హెల్త్
దానిమ్మ గింజల్లో ఎక్కువగా ఫైబర్ ఉంటుంది. ఇది జీర్ణ సమస్యల్ని దూరం చేసి కడుపు నిండుగా ఉండేలా చేస్తుంది. ఈ కారణంగా తిన్న తర్వాత అజీర్ణం, మలబద్ధకం, బ్లోటింగ్, గ్యాస్ వంటి సమస్యలు రావు. రెగ్యులర్‌గా తింటే మంచిది. వీటిని తింటే డైజెషన్, గట్ హెల్త్ బాగుంటుంది.
కొలెస్ట్రాల్‌ని కరిగించే దానిమ్మ గింజలు
బ్రెయిన్ హెల్త్
ఇందులోని పోషకాలని మనం తీసుకున్నప్పుడు అవి మనకి యాంటీ ఆక్సిడెంట్స్ శరీరానికి అందేలా చేస్తాయి. విటమిన్స్ అన్నీ కూడా బాడీకి అందుతాయి. పైగా ఇందులోని నేచురల్ స్వీట్‌నెస్ మనకి అప్పటికప్పుడు ఎనర్జీని అందిస్తాయి. నీరసంగా ఉన్నప్పుడు వీటిని తింటే తక్షణమే శక్తి అందుతుంది.
మిగతా లాభాలు
ఉదయాన్నే మనం దానిమ్మ గింజల్ని తీసుకుంటే అవి డయాబెటిస్, ఆస్తమా వంటి ఎన్నో సమస్యలు దూరమవ్వడమే కాకుండా, ఎముకలకి కూడా మంచిదని న్యూట్రిషనిస్ట్ చెబుతున్నారు. గమనిక :ఇది సాధారణ సమాచారం కోసం మాత్రమే. ఇది ఏ విధంగానూ ఏ మెడిసిన్ లేదా చికిత్సకు ప్రత్యామ్నాయం కాదు. వీటిని పాటించేముందు మరింత సమాచారం కోసం ఎల్లప్పుడూ మీ వైద్యుడిని సంప్రదించండి. తెలుగు సమయం ఈ విషయాల్ని ధృవీకరించడం లేదు. ఖచ్చితత్వం, ప్రభావానికి సమయం తెలుగు బాధ్యత వహించదు.
|
|