దమ్ముంటే పట్టుకో.. పుష్ప డైలాగ్‌తో పోలీస్ స్టేషన్ ముందు రీల్ వైరల్

అనంతపురంలో ఓ గ్యాంగ్ రెచ్చిపోతోంది.. దమ్ముంటే పట్టుకోరా షికావత్తూ అంటూ ఏకంగా పోలీస్ స్టేషన్ ముందు రీల్స్ చేయడం కలకలం రేపింది. ఈ గ్యాంగ్‌లో ఒక సభ్యుడు పోలీసులను సవాల్ చేస్తూ గతంలో రీల్స్ చేయగా.. ఆ వీడియో ఇప్పుడు వైరల్ అవుతోంది. స్థానికంగా ఉండే ఓ కుర్రాడి పేరు టాటూ చరణ్.. అతడు ఇటీవల ఓ మహిళను కత్తితో బెదిరించిన కేసులో పోలీసులు అరెస్ట్ చేయగా.. రిమాండ్‌లో ఉన్నాడు. అతడు స్థానికంగా ఉండే కొందరు యువకులతో కలిసి గంజాయి తాగుతున్నట్లు ఆరోపణలు ఉన్నాయి. ఈ గ్యాంగ్ పలు నేరాలకు పాల్పడినట్లు చెబుతున్నారు. అనంతపురంలోని పలు ప్రాంతాల్లో రోడ్లపై మాటు వేసి వాహనదారులపై దాడి చేసి దోపిడీలు చేస్తున్నట్లు తేలింది.

 ఈ గ్యాంగ్ అక్కడితో ఆగకుండా వాహనదారులపై దాడి చేసిన వీడియోలు తీసి సోషల్‌ మీడియాలో షేర్ చేసి భయపెట్టేవారు. టాటూ చరణ్ ఒంటరిగా ఉన్న ఆడపిల్లలు, మహిళల పట్ల అసభ్యంగా ప్రవర్తిస్తున్నట్లు ఆరోపణలు ఉన్నాయి. ఈ క్రమంలో ఇటీవల ఓ యువతిని బెదిరించాడు.. ఆమె వెంటనే తల్లిదండ్రులకు చెప్పడంతో వన్‌టౌన్‌ పోలీసులకు ఫిర్యాదు చేశారు. ఆ సమయంలోనే స్టేషన్‌ ఎదురుగా నిలబడి.. పీఎస్‌ను వీడియో తీస్తూ ‘దమ్ముంటే పట్టుకోరా షికావత్తూ.. పట్టుకుంటే వదిలేస్తా అనంతపురం' అంటూ పుష్ప సినిమా తరహాలో డైలాగ్‌ చెప్పాడు. ఈ వీడియోను సోషల్ మీడియాలో షేర్ చేయడంతో వైరల్ అయ్యింది. అయితే ఇటీవల రాణినగర్‌లో ఉంటున్న ఓ మహిళ ఇంట్లోకి చొరబడి కత్తితో బెదిరించిన కేసులో అరెస్ట్ చేయడంతో రిమాండ్‌లో ఉన్నాడు. అయితే ఆ రీల్ చేసిన వీడియోతో పాటుగా ఓ వ్యక్తిపై దాడి చేసిన వీడియో వైరల్ అవుతోంది.

మడకశిరలో కలకలం

శ్రీ సత్యసాయి జిల్లా మడకశిర మూడో వార్డ్ శివాపురంలో క్షుద్ర పూజలు కలకలం రేపాయి. శివపురంలో భారతి అనే మహిళ కిరాణా షాప్ నడుపుకుంటూ జీవనం సాగిస్తున్నారు. అయితే ఆమె అంటే గిట్టని వారో, గుర్తు తెలియని వారు మంగళవారం రాత్రి ఆమె కిరాణా షాప్ ఎదురుగా రోడ్డుపై ఆమె ఫోటోకు మేకులు కొట్టి క్షుద్రపూజలు చేశారు.బుధవారం ఉదయం రోడ్డుపై ఆమె ఫోటోను పెట్టి క్షుద్ర పూజలు చేసిన దాన్ని చూసి భారతితో పాటు స్థానికులు షాకయ్యారు. అనంతపురం: కూతుర్ని కిడ్నాప్ చేసిన తల్లిదండ్రులు.. సినిమాను మించి ట్విస్ట్‌లు, కారణం తెలిస్తే!. ఉదయం బిడ్డ పుట్టాడన్న ఆనందం.. మధ్యాహ్నం పెద్ద కుమారుడు మృతితో విషాదం.. ఎంత ఘోరం