కుక్కలు పెంచుకునే వారు ఈ జాగ్రత్తలు పాటించాలి
Andhra Pradesh Telugu | Suryaa Desk | Published : Sat, Jul 05, 2025, 10:44 AM
పెంపుడు కుక్కల యజమానులు పాటించాల్సిన జాగ్రత్తలను పశుసంవర్థక శాఖ అసిస్టెంట్ డైరెక్టర్ డాక్టర్ కామని శ్రీనివాసరావు వివరించారు. కుక్కలుండే ప్రదేశాన్ని క్రిమిసంహారక ద్రావణంతో శుభ్రపరచాలన్నారు. మాంసం, చేపలు ఉడకబెట్టి వాడాలని, కుక్కలను తాకిన తర్వాత చేతులు క్రిమిసంహారక ద్రావణంతో కడగాలన్నారు. వ్యాధిగ్రస్థ కుక్కలను ఆరోగ్యవంతమైన కుక్కలకు, పిల్లలకు దూరంగా ఉంచాలలన్నారు. వ్యాధుల నివారణకు రెగ్యులర్ టీకాలు వేయించాలని, నట్టల నివారణ మందు క్రమం తప్పకుండా వేయించాలని తెలిపారు. జూనోసిస్ డే సందర్భంగా జూ లై 6న అన్ని ప్రభుత్వ పశువుల ఆస్పత్రుల్లో కుక్కలకు ఉచిత రేబిస్ వ్యాక్సిన్ లు వేస్తారని డాక్టర్ కామని శ్రీనివాసరావు తెలిపారు. పశుపోషకులు, పెంపు డు కుక్కల యజమానులకు వ్యాధులపై అవగాహన శిబిరం ద్వారా చైత న్యం కల్పిస్తామని, ఈ అవకాశాన్ని సద్వినియోగం చేసుకోవాలని కోరారు.
|
|