ధ్రప్రదేశ్లో వర్షాలు అతి భారీగా.. అప్రమత్తం కావాల్సిన సమయం! టోల్ ఫ్రీ నంబర్లు ఇక్కడ
Andhra Pradesh Telugu | Suryaa Desk | Published : Fri, Jul 25, 2025, 10:10 PM
ఆంధ్రప్రదేశ్లో వర్షాలు అనూహ్యంగా కురుస్తుండటంతో ప్రజలు అప్రమత్తంగా ఉండాలని అధికారులు హెచ్చరిస్తున్నారు. భారత వాతావరణ శాఖ తాజా నివేదిక ప్రకారం, రాష్ట్రంలోని పలు జిల్లాల్లో త్వరలోనే భారీ నుంచి అతి భారీ వర్షాలు కురిసే అవకాశం ఉందని సూచించారు. ఈ నేపథ్యంలో, ముఖ్యంగా లోతట్టు ప్రాంతాల్లో నివసించే ప్రజలు తగిన జాగ్రత్తలు తీసుకోవాలని అధికారులు కోరుతున్నారు.మరికొన్ని రోజుల పాటు ఏపీలో భారీ వర్షాలు కురుస్తాయని, దీంతో ప్రజలంతా జాగ్రత్తగా ఉండాలని విపత్తు శాఖ హెచ్చరించింది. గంటకు 40-60 కిమీ వేగంతో ఈదురు గాలులు వీచే అవకాశం ఉన్నట్లు చెప్పారు. శ్రీకాకుళం, విజయనగరం, విశాఖ పట్నం తీరాల్లో అలలు 2.9 నుంచి 3.6 మీటర్ల ఎత్తులో ఎగిసిపడే అవకాశం ఉందన్నారు. అంతేకాదు సోమవారం వరకు మత్స్భ కారులు సముద్రంలోకి వేటకు వెళ్లొద్దని కూడా హెచ్చరికలు జారీ చేశారు. ఎలాంటి అత్యవసర పరిస్థితులు ఎదురైనా, ప్రభుత్వం అందిస్తున్న టోల్ ఫ్రీ నెంబర్లకు కాల్ చేయడం ద్వారా సహాయం పొందవచ్చని తెలిపారు. రాష్ట్ర కంట్రోల్ రూమ్ నంబర్ 1070, అలాగే రాష్ట్ర విపత్తు నిర్వహణ విభాగం నంబర్ 1800-425-0101 అనే టోల్ ఫ్రీ నెంబర్లు అందుబాటులో ఉన్నాయి. జిల్లాల వారీగా అందుబాటులో ఉన్న స్థానిక హెల్ప్లైన్ నెంబర్లను కూడా వినియోగించుకోవచ్చు. అధికారులు ప్రజలను అత్యవసర పరిస్థితులు తప్ప బయటకు వెళ్లకుండా ఉండాలని, విద్యుత్ తీగలు తెగిన చోట్ల దూరంగా ఉండాలని హెచ్చరిస్తున్నారు. ఎటువంటి ప్రమాద పరిస్థితి కనిపించినా వెంటనే సంబంధిత అధికారులకు సమాచారం ఇవ్వాలని సూచించారు.
|
|