IND vs ENG: 89 ఏళ్ల తర్వాత చరిత్ర సృష్టించిన భారత జట్టు!
sports | Suryaa Desk | Published : Fri, Jul 25, 2025, 10:49 PM
ఇంగ్లండ్ కెప్టెన్గా బెన్ స్టోక్స్ అరుదైన మైలురాయిని చేరుకున్నాడు. ఒకే టెస్ట్ ఇన్నింగ్స్లో ఐదు వికెట్లు తీసి, అర్ధ శతకం సాధించిన మూడో ఇంగ్లండ్ కెప్టెన్గా చరిత్రలో స్థానం సంపాదించాడు.
మాంచెస్టర్ వేదికగా భారత్తో జరుగుతున్న నాలుగో టెస్టులో ఇంగ్లాండ్ కెప్టెన్ బెన్ స్టోక్స్ అరుదైన ఘనతను సాధించాడు. తొలి ఇన్నింగ్స్లో బౌలింగ్లో 5 వికెట్లు (5/72) పడగొట్టిన స్టోక్స్, బ్యాటింగ్లో కూడా 66 పరుగులు చేసి రిటైర్డ్ హర్ట్గా వెనుదిరిగాడు. టెస్ట్ చరిత్రలో ఇదివరకూ కేవలం ఇద్దరు ఇంగ్లండ్ కెప్టెన్లు మాత్రమే బ్యాట్ & బాల్తో ఈ విధంగా రాణించగా, గత 89 ఏళ్లలో ఇదే తొలిసారి ఈ ఘనతను సాధించిన ఇంగ్లండ్ కెప్టెన్గా బెన్ స్టోక్స్ నిలిచాడు.ఇంతకు ముందు ఈ అరుదైన ఫీట్ను 1905లో నాటింగ్హామ్ టెస్ట్లో స్టాన్లీ జాక్సన్ (అజేయంగా 82 పరుగులు & 5/58 వికెట్లు), 1936లో బ్రిస్బేన్ టెస్ట్లో గబ్బీ అలెన్ (68 పరుగులు & 5/36) సాధించారు. ఇప్పుడీ జాబితాలో బెన్ స్టోక్స్ కూడా చేరారు.మ్యాచ్ పరంగా ఇంగ్లండ్ భారీ ఆధిక్యంలో ఉంది. 225/2 ఓవర్నైట్ స్కోర్తో మూడో రోజు ఆటను ప్రారంభించిన ఇంగ్లండ్, జో రూట్ 248 బంతుల్లో 14 ఫోర్లతో 150 పరుగులు పూర్తి చేయడంతో భారీ స్కోర్ దిశగా సాగుతోంది. ఇప్పటికే ఇంగ్లండ్ 500 పరుగుల మార్క్ను దాటి, 157 పరుగుల లీడ్తో పైచేయి సాధించింది.
|
|