రూపాయికే అన్లిమిటెడ్ కాల్స్, డైలీ 2 జీబీ డేటా.. బీఎస్ఎన్ఎల్ అదిరిపోయే ఆఫర్
business | Suryaa Desk | Published : Fri, Aug 01, 2025, 10:53 PM
టెలికాం కంపెనీలు రిలయన్స్ జియో, భారతీ ఎయిర్టెల్, వొడాఫోన్ ఐడియా ప్రస్తుతం టాప్లో ఉన్నాయి. వీటికే సబ్స్క్రైబర్లు ఎక్కువగా ఉంటాయి. ఇవన్నీ ఇప్పటికే 5G నెట్వర్క్ కూడా తీసుకొచ్చాయి. కానీ ప్రభుత్వ రంగ దిగ్గజ సంస్థ భారత్ సంచార్ నిగమ్ లిమిటెడ్ (BSNL) మాత్రం చాలా వెనుకబడి ఉందని చెప్పొచ్చు. ఈ నెట్వర్క్ చాలా స్లో అన్న సంగతి తెలిసిందే. ఇప్పుడు 4G నెట్వర్క్నే అందరికీ అందుబాటులోకి తీసుకొచ్చేందుకు శ్రమిస్తోంది. ఇంకా 5G కి దరిదాపుల్లో కూడా లేదు. మిగతా టెలికాం కంపెనీలకు పోటీగా.. బీఎస్ఎన్ఎల్ కూడా కస్టమర్లను ఆకర్షించేందుకు ప్రత్యేక ఆఫర్లను ప్రకటిస్తుంటుంది.
గతంలో ప్రముఖ టెలికాం కంపెనీలు టారిఫ్స్ పెంచిన నేపథ్యంలో.. చాలా మంది తక్కువ ధరల్లో రీఛార్జ్ అందుబాటులో ఉన్న బీఎస్ఎన్ఎల్ వైపు మళ్లారు. ఈ క్రమంలో జియో, ఎయిర్టెల్ను మించి ఆ మధ్య కొత్త చందాదారుల్ని పెంచుకుంది. దీంతో చాలా ఏళ్ల తర్వాత బీఎస్ఎన్ఎల్ లాభాల బాట కూడా పట్టింది.
ఈ క్రమంలోనే తాజాగా బీఎస్ఎన్ఎల్ మరోసారి అద్భుత ఆఫర్ ప్రకటించింది. ఇప్పుడు యూజర్ల కోసం పరిమితి కాలపరిమితితో సరికొత్త రీఛార్జ్ ప్లాన్ తీసుకొచ్చింది. ఈ మేరకు గురువారం రోజు తన సోషల్ మీడియా ప్లాట్ఫాంలో వెల్లడించింది. ఆగస్ట్ 15న భారత స్వాతంత్య్ర దినోత్సవాన్ని పురస్కరించుకొని 'BSNL ఆజాదీ కా ప్లాన్' పేరిట తీసుకొచ్చింది.
బీఎస్ఎన్ఎల్ తెచ్చిన ఈ ఫ్రీడమ్ ఆఫర్ కేవలం ఒక్క రూపాయికే అందుబాటులో ఉంది. వ్యాలిడిటీ 30 రోజులుగా ఉంది. ఈ సమయంలో అన్లిమిటెడ్ వాయిస్ కాల్స్ సహా రోజుకు 2GB 4G డేటా వస్తుంది. ఇంకా రోజుకు 100 SMS లు లభిస్తాయి. అయితే ఈ ఆఫర్ కేవలం కొత్త యూజర్లకు మాత్రమే అందుబాటులో ఉంది. ఇంకా ఆఫర్ పీరియడ్ ఆగస్ట్ 1 నుంచి 31 వరకు వర్తిస్తుంది. ఇదే సమయంలో 4G సిమ్ కూడా ఉచితంగానే ఇవ్వనున్నట్లు పేర్కొంది. ఈ ప్లాన్ తీసుకునేందుకు దగ్గర్లోని రిటైలర్ లేదా బీఎస్ఎన్ఎల్ కామన్ సర్వీస్ సెంటర్లను సందర్శించాలని వెల్లడించింది.
|
|