పహల్గాం ఉగ్రదాడిలో పాకిస్థాన్ హస్తం.. కన్ఫార్మ్ చేసిన తాహిర్ అబీబ్ అంత్యక్రియలు

జమ్మూ కాశ్మీర్‌లోని పహల్గామ్‌లో జరిగిన ఉగ్రదాడికి సంబంధించి కీలకమైన ఆధారాలు వెలుగులోకి వచ్చాయి. ముఖ్యంగా ఈ దాడి వెనుక పాక్ హస్తం ఉందని మరోసారి నిరూపితం అయింది. అయితే ఈ దాడిలో పాల్గొన్న ఓ ఉగ్రవాది ఇటీవలే ఆపరేషన్ మహాదేవ్‌లో హతమైన విషయం అందరికీ తెలిసిందే. అయితే తాజాగా అతడి అంత్యక్రియలను పాకిస్థాన్ ఆక్రమిత కాశ్మీర్ (PoK)లో పాకిస్థాన్ ప్రభుత్వమే నిర్వహించినట్లు తెలుస్తోంది. ఇందుకు సంబంధించిన వీడియోలు, ఫొటోలు సైతం ప్రస్తుతం నెట్టింట వైరల్ అవుతున్నాయి.

పహల్గాం ఉగ్రదాడిలో పాల్గొన్ని ఉగ్రవాదులు.. శ్రీనగర్‌లోనే అత్యంత ఎత్తైన మహాదేవ్ పర్వత పరిసరాల్లో నక్కినట్లు భద్రతా బలగాలకు ఇటీవలే సమాచారం అందించిద. 13 వేల అడుగులో ఎత్తులో ఉన్న మంచు కొండపైకి వెళ్లిన సైన్యం.. చైనా తయారీ ఎన్ క్రిప్టెడ్ కమ్యూనికేషన్ సెట్ టీ82 యాక్టివేట్ అయినట్లు గుర్తించి మరీ ఉగ్రవాదుల జాడను పసిగట్టింది. ఈక్రమంలోనే సైన్యం, సీఆర్పీఎఫ్, జమ్మూ కాశ్మీర్ పోలీస్ ఆపరేషన్‌కు సన్నాహాలు చేపట్టాయి. ఆపరేషన్ మహాదేవ్ పేరిట కాల్పులు జరపగా.. ఉదయం 11 గంటల సమయంలో ముగ్గురు ఉగ్రవాదులను మట్టుబెట్టాయి. ఇందుకు సంబంధించిన ఫొటోలు, వీడియోలను సైతం సైన్యం విడుదల చేసింది. ముఖ్యంగా పహల్గాం ఉగ్రదాడిలో పాల్గొన్న నిందితుల వీళ్లేనంటూ చెప్పింది.

అయితే గత ఆదివారం రోజు వీరు ముగ్గురు హతం కాగా.. ఇందులో ఒక ఉగ్రవాది అయిన తాహిర్ హబీబ్‌కు పీఓకేలో జనాబా ఏ గైబ్ విధానంలో అంత్యక్రియలు నిర్వహించారు. మృతదేహం లేకపోయినా.. ఈ విధానం ద్వారా అంతిమ సంస్కారాలు చేశారు. ముఖ్యంగా రావల్‌కోట్ ఖైగలాలో పెద్దలు ఈ కార్యక్రమంలో పాల్గొన్నట్లు తెలుస్తోంది. ఇందుకు సంబంధించిన ఫొటోలు, వీడియోలను ఓటెలిగ్రామ్ ఛానెల్‌లో పోస్టు కూడా చేశారు. ఈ సమయంలో స్థానిక లష్కరే కమాండర్ రిజ్వాన్ హనీఫ్, ఇతర సభ్యులు కూడా దానిలో భాగం కావాలని ప్రయత్నించారు. కానీ తాహిర్‌ను అతడి కుటుంబీకులు అంత్యక్రియలకు హాజరు కాకుండా అడ్డుకున్నారు. కానీ హనీఫ్ పట్టుబట్టడంతో.. ఇరు వర్గాల మధ్య గొడవ జరిగింది. ముఖ్యంగా స్థానికులను ఉగ్రవాదులు తమ ఆయుధాలతో భయపెట్టారు. దీంతో వారు ఆందోళనకు దిగారు.

తాహిత్ హబీబ్ తొలుత ఇస్లామిక్ జమాత్ తలాబా, స్టూడంట్ లిబరేషన్ ఫ్రంట్‌లో పని చేశాడు. అతడికి అఫ్గాని అనే నిక్ నేమ్ ఉంది. ఇదే ఇంటెలిజెన్స్ రికార్డుల్లో కూడా నమోదు కాగా.. పాక్ సైన్యంతో అతడికి సన్నిహిత సంబంధాలు ఉన్నాయి. అదే అతడిని ఉగ్రవాదిగా మార్చింది. ఇలా పహల్గాం ఉగ్రదాడి వెనుక పాకిస్థాన్ హస్తం ఉందని మరోసారి బయటపడడంతో.. భారత్ మరింత అప్రమత్తం అవుతోంది. భవిష్యత్తులో ఇలాంటి ఘటనలు జరక్కుండా ఉండేందుకు చర్యలు తీసుకుంటూనే.. పూర్తిగా ఉగ్రవాదులను రూపుమాపేందుకు గట్టిగా కృషి చేస్తోంది.